Suso Bahamonde: “Non, "Caída" non é un poemario para tirar foguetes de alegría”
Vén de parir un novo poemario. O poeta ceense Suso Bahamonde recupera o papel 5 anos despois daquel exitoso ”Expansión”.
Falamos con el, para ver cales son as liñas argumentais do seu novo proxecto.
- QPC: “Caída”… non parece un título moi esperanzador, non… É tan crú como parece o libro? Que trata?
Si, o título do libro simplifica o que o lector vai atopar no interior. Non é para tirar foguetes de alegría.
Non me gusta falar moito do que trata o libro, prefiro que o lector se embarque sen ideas preconcebidas, pero si, é un poemario que trata sobre as caídas que padecemos na vida, a moitos niveis, e como estas, inflúennos e sírvennos coma un reseteo para volver a saír a flote.
- QPC: Que supón para ti botar a andar esta criatura?
Bueno, levaba cinco anos sen publicar, e consideraba que era o intre exacto para sacar á luz esta #CAÍDA que por outra banda foise xestando a lume moi lento ao longo dos anos.
Ademais é unha volta aos canons convencionais de edición, pois este libro está editado por M editora, que apostou por el.
O anterior libro que publiquei, Expansión, foi unha autoedición.
- QPC: Saír o mesmo Día da Poesía parece unha causalidade ou é unha aliñación dos astros?
jajaja.. Consideroo unha mera casualidade. Son o tipo máis antipoético que existe.
- QPC: Onde podemos atopalo?
Pois como comentaba, ao voltar a publicar cunha editorial, poderase atopar en calquera libraría do país onde o solicitedes.
- QPC: Cando comezan as presentacións? Son realmente importantes estas citas? Gústanche?
Pois a primeira presentación, e por así dicilo, a oficial, terá lugar o 12 de abril na Capela do Pilar en Corcubión, aquí na Costa da Morte, da que en vindeiros días sairá o cartel. Despois dalgunha presentación máis pola Costa, chegará o tempo de achegarnos ás cidades: Coruña, Vigo e Pontevedra polo de agora.
E si, soenme gustar as presentacións, pois gústame o contacto cercano co lector. E os viños de despois sempre están ben.
Novas relacionadas
- María Lado: "En xeral, son unha poeta boa de ler”.
- Diana Varela Puñal: "Sempre é necesario que a xente lea máis, e particularmente poesía”.
- Ponteceso convoca, por fin, cun certame de Poesía en nome de Pondal.
