Seguen os poetas da Costa da Morte editando libros e gañando premios por todo o país. A verdade é que se botan de menos a súa actividade a nivel reivindicativo na Costa da Morte, pero é curioso agradable comprobar a súa potencia en todo o país, e como na súa propia casa ás veces síntense extranxeiros.

Hoxe damos os parabéns a Rafa Vilar, que vén de galeguizar o seu apelido, por un novo recoñecemento dende a comarca do Deza. Trátase do Premio Arume de Poesía Infantil, que outorga a Fundación Neira Vilas.

Vilar, ca súa obra "Patente de corso (pequeno dicionario pirata)" leva este premio trala unanimidade do xurado formado por Xosé Neira Vilas, Valentín García Gómez, Xoán Andrés Fernández Castro e Luís Reimóndez Fernández.
Vilar trata os corsarios como "piratas bos, xoguetóns e atractivos para o público infantil. Non son corsarios violentos senón máis ben inxenuos, que mesmo esquecen cargar os canóns para librar así unhas batallas nas que ninguén se magoa".

As súas lembranzas de cativo na súa terra de piratas, Cee, foron claves para situar o contexto da obra, e todo mesturado cun toque de humor, "Patente de corso (pequeno dicionario pirata)" é un libro perfecto para poñer ao teu fillo a viaxar polos confíns do mundo.

Fonte e máis información

• Premios Arume da Fundación Neira Vilas.
• As Crebas de Miro Villar: Patente de corso, de Rafa Vilar, VI Premio Arume de Poesía para Nenos da Fundación Neira Vilas.

Novas relacionadas

• A SEMESCOM recolle as Romarías da Costa da Morte nun libro.
• Os versos erotizan as Crebas das praias das Sisargas.
• A bitácora da semana (CXLIV): As Crebas de Miro Villar.
• Muxía respostou na presentación de As Crebas.
• A cultura muxiá resoa como a Pedra de Abalar.
• Un artigo de Jano Lamas: Da memoria perdida.

Fonte

• Redacción de QPC ([email protected]).