Cos votos 4 a favor do BNG, Sempre Corcubión, PP e PaCor, e as 3 abstencións do grupo de goberno do PSOE, o pleno de Corcubión aprobaba este pasado xoves o acordo de nomear Fillo Adoptivo de Corcubión a Darío Xohán Cabana.

O Grupo socialista considerou que non era suficiente a labor do que foi garda municipal da vila para tal nomeamento.

En calquera caso, o Concello terá que poñer unha placa conmemorativa no xardín da Casa do Concello, reeditar, en convenio coas editoriais e a súa familia, as dúas obras que máis relación teñen con Corcubión (o libro de poemas “Patria do mar” e o volume de relatos “Libro dos moradores”); así como facer chegar á súa familia e á Real Academia Galega o contido deste acordo municipal quere honrar ao escritor, tradutor e membro da RAG.

”Darío Xohán Cabana, servíu a Corcubión mentras seguía facendo camiño a través das súas novelas e poemas para que poidamos seguir bebendo da fonte da Lingua Galega a través das súas obras e das súas traducións”, explicaba o voceiro de Sempre Corcubión, que presentou a moción.

Novas relacionadas

• Miro Villar: Darío Xohán Cabana esquecido en Corcubión?.