Venres. 29.03.2024
El tiempo

Leo Bassi en Corcubión por Palestina

Leo Bassi en Corcubión por Palestina

Continúa a Costa da Morte achegándose á realidade Palestina. I é que como valoran os membros do Colectivo COSAL Costa da Morte, "a día de hoxe coñecemos mellor a realidade de Palestina máis que a da propia Barbanza", con permiso dos compañeiros do xornal curmán deste diario Certo. E moita culpa ten o oftalmógolo palestino afincado en Corcubión, Mohamed Safa.

Esta pasada fin de semana os veciños de Vimianzo e Muxía puideron escoitar as experiencias dun grupo de membros do COSAL en territorios ocupados. Unha charla que xa repetiran en Corcubión e Carnota, e que pretende trasladar a sensación dun estado militarizado sobre un pobo oprimido. Unhas 20 persoas achegáronse ata a Casa da Cultura de Corcubión e mais ata o Bar o Xardín de Muxía, onde a guitarra de Mon Búa puxo a nota musical.

Unha gala cómica única

Pero as charlas serviron ademais para presentar en sociedade a nova Gala Cómica que o colectivo, en colaboración con Buserana, achegan ata a Costa da Morte. Nada menos que Leo Bassi, cunha serie de compañías clown, virán a Corcubión, para cambiar risas por axuda para os proxectos que a entidade Pallasos en Rebeldía desenvolve en Palestina.

Moita xente lembrará a Gala cómica en solidariedade por Palestina que se celebrou en decembro de 2010, en Cee. Desta volta, a Gala volve á Costa e por todo o alto, cun Leo Bassi que vén de coñecer a prohibición que impuxo o Concello de Santiago para a súa actuación no Teatro Principal. Polo que a actuación na bisbarra será unha ocasión única.

Un festival de risas en Palestina

Só hai que ver un par de fotos dos cativos palestinos rindo a gargalladas para decatarse da incidencia do traballo destes pallasos rebeldes. Así, a Gala solidaria con Palestina ten como fin financiar o Festiclown 2012. Así, serán 5 as compañías, entre elas Talía teatro e Os sete magníficos máis un, que acompañen a Bassi, todos de balde, para que o recadado fique íntegro para a festa da risa en territorios ocupados.
A gala conta tamén coa colaboración de Avelino González (actor galego ben coñecido polo seu traballo en Padre Casares) como presentador da mesma.

Datos da Gala

A cita será o sábado 14 de abril, ás 20.30 horas, na Casa da Cultura de Corcubión. As entradas (donativo de 5 €) están dispoñibeis nos seguintes locais:

  • Clínica La Paz e Quiosco La Junquera, en Cee.
  • Quiosco de Corcubión.
  • Pub Boulevard, en Fisterra.
  • Bar O Xardín, en Muxía.
  • Café-bar Celme, en Vimianzo.

Na maior parte dos centros de ensino da zona haberá algunha persoa con entradas.

Fila 0

Ademais, e dada a importancia de recadar fondos, temos á disposición de quen non poida asistir a Fila cero, colaborando tamén con 5 euros.

Sen máis, deixámosvos con Mon Búa no Xardín, co gallo da charla que Chicha Martínez e Ubaldo Cerqueiro ofreceron en Muxía:

Novas relacionadas

Máis novas

  • Cee cambia o rumbo da economía mundial.
  • A Costa da Morte boicotea Israel.
  • A Costa repasou a situación en Israel con Alberto Pradilla.
  • Cee solidarizouse con Palestina a base de gargalladas.
  • Fonte

    Comentarios