Xa ten historia a programación literaria de Radio Roncudo e radiONeria. Polo norte lembran a Escrita de Paco Souto mentres polo Sur aínda escoitan ecos das Realidade e Soños de Manolín.

Xa hai quen colleu o legado de tanta arte nas ondas irmandadas da Costa da Morte, e non é outro que o escritor e poeta bergantiñán Óscar de Souto e o poeta cormelán Manuel de Corme, que veñen ademais de presentar un libro xuntos. Xa se puxeron tras dos micros no Ronsel, programa que dirixe Óscar Rey Calo os xoves ás 16:00h, pero ademais xa tiveron tempo para estrear “O noso xeito”.

É un novo programa de Radio Roncudo e Radio Neria de contidos literarios, entrevistas e información cultural en sesenta minutos semanais. Emitirase os venres ás dez da noite e os sábados ás nove da mañá.

De feito, xa podedes escoitar a estrea, este venres 12 de setembro:

• Programa 1 “O noso xeito”.

Máis información

• Radio Roncudo.
• radiONeria.

Novas relacionadas

• Óscar de Souto e Manuel de Corme invanden A Coruña.
• Cabaneses que espallan cultura.
• A bitácora da semana (CLXI): O blog de Óscar de Souto.
• Paco Souto escribe a radio.
• Un derroche de emoción no Recital de Manolín.

Máis novas

• Nace Radio Muxía Online, unha fiestra á diáspora costeira.
• A Radio Roncudo e radiONeria amplían programación co matinal de Radiofusión.
• A Xunta comprométese a traballar coa Asociación de Medios en Galego.
• A emisora municipal de Corcubión volve as ondas tras un tempo en silencio.

Fonte

• Redacción de QPC ([email protected]).