Xa o apuntabamos hai un mes: A nova urbanización de Quenxe segue en marcha. Unha aposta pola urbanización dunha das poucas zonas que quedan virxes en Corcubión e que poderían convertirse nun referente na zona se se coidase a zona. Un dos que xa protestou foi o BNG corcubionés, que criticaba a "invasión urbanísitca" da zona. Hoxe vai máis aló, e comprométese, xa case que en campaña preelectoral, "a destinar as parcelas de Quenxe a zonas verdes" se asume a alcaldía o vindeiro mes de maio. Apuntan que "na zona de Quenxe existen vivendas de máis, e a metade están baleiras, polo que dende o BNG apostamos por non saturar máis esa zona", e nesa liña aposta por unhas "zonas verdes con equipamentos municipais, para o goce de todos os veciños e veciñas de Corcubión".

Pleno explicativo

Do mesmo xeito, o BNG solicitou a convocatoria dun pleno extraordinario para que o alcalde explique publicamente as xestións co PERI e co PXOM. O BNG quere presentar observacións dende a Corporación Municipal ao informe de avaliación ambiental estratéxica para o plan de construir 30 vivendas na parcela de “galiña blanca”, e tamén para que o alcalde explique as xestións feitas en relación a este PERI, e ao Plan Xeral urbanístico.

Novas relacionadas

• O solar do Cine Vello de Corcubión non poderá acoller un edificio.
• A Xunta une Cee e Corcubión coas novas Directrices urbanísticas para frear a dispersión>.
• A nova urbanización de Quenxe segue en marcha.
• Quenxe xa ten por onde crecer.
• Rexeitado o PXOM corcubionés por excesiva permisividade urbanística.
• Denuncia cunha foto: Quenxe (Corcubión).

Fonte

• Redacción de QPC (info@quepasanacosta.gal).
• Nota de prensa do BNG de Corcubión.