”A situación é gravísima. O ministerio de Xustiza non quere nin ten intención de cubrir a praza de letrado do Xulgado Nº2 de Corcubión, unha situación que paraliza absolutamente toda a actividade do mesmo”. Así de rotundo se amosa Roberto Andrade, do sindicato SPJ-USO, falando da falta de relevo da Secretaria Xudicial dende que o pasado 6 de setembro se lle concedese o traslado á letrada que tiña a praza.

Dende entón, xa van xase dous meses co Xulgado paralizado. Falamos con Andrade para que nolo explique mellor:

• QPC: Que importancia ten a figura da Secretaria Xudicial nuns Xulgados?

Un xulgado conta cun xuíz/a, un letrad@, e varios funcionari@s. No eido civil a parte máis importante é a letrada, neste caso. Se non hai letrada non se pode nin tramitar os procedementos, e así mesmo todas as demandas que se presenten no Xulgado vanse acumulando porque non se poden tramitar. Afecta a todas as resolucións, porque é, na realidade, a xefa da oficina, a que impulsa cada acción. Un xulgado a día de hoxe é imposible que funcione sen ter unha letrada.

Por iso dicimos que a día de hoxe temos un Xulgados de adorno, e denunciamos a discriminación do Partido Xudicial de Corcubión”, critica.

É unha cuesión de vontade. O Ministerio recoñece que é unha situacióne excepcional, pero consideran que non é prioritaria, unha calificación que se inventa o propio ministerio, porque non hai ningunha nomenclatura que fale desta “prioridade”.
Por outras fontes recoñecen que é un tema económico, pero non é excusa porque esa praza está dotada orzamentariamente. É un aforro estrano porque xa está dotada esa praza de titular.

 

• QPC: Tardaron un ano, pero ao final arranxaron os problemas coas pingueiras no Xulgado. Cres que acontecerá algo semellante con este asunto ou está todo perdido?

Pois non o sei, porque ademais aínda non está solucionado de todo, porque afundiu outra vez a planta de arriba por culpa da humidade, e agora tócalle ao Concello de Corcubión (é un edificio municipal) resolvelo. Levo tempo pedindo unha entrevista co alcalde, pero a día de hoxe nin sequera me chamaron para falar. Non sei se non lle interesa o asunto a pesar que ser unha cousa que nos afecta a todos os cidadáns.

 

• QPC: Que casos máis importantes ten o Xulgado corcubionés que están estacandos por esta situación?

Todos os casos están paralizados, por canto a secretaria xudicial é a que impulsa os procedementos. E claro, hai casos coñecidos abandonados, como a famosa Operación Orquestra, (aberta dende 2011 e co xuízo oral pendente dende decembro de 2016). Por moito que se esforce a xuíza e os funcionarios, non se pode facer nada ata que se cubra a praza.

 

• QPC: Ten que ver esto algo co proceso de redución dos Partidos Xudicias que obrigou á saír á rúa a centos de persoas en Muros e Corcubión en 2014?

A verdade, é que non temos novas de que se vaia levar a cabo o proxecto de desmantelamento dos Partidos Xudiciais.

Manifestación por CorcubionPartidoXudicial en 2014-Foto-Juanma Ronquete  

Novas relacionadas

• 21-09-17: Reparan os estragos causados pola choiva no xulgado de Corcubión.
• Decembro 16: Operación Orquesta: Aberto o xuízo oral para 6 dos acusados ceeses.
• Decembro 2016: Chove, literalmente, no Xulgado e Corcubión
• Agosto 2016: Denuncian o inconcibible estado de abandono das instalacións dos Xulgados de Corcubión.
• 2014: Corcubión meteu un berro unánime polo Partido Xudicial.

Fonte

• Redacción de QPC ([email protected]).