"Operación Jaulón". Así denomina o Seprona da Garda Civil a nova operación contra o furtivismo realizada esta pasada madrugada do xoves 24 ao venres 25 de outubro. Un camión frigorífico, procedente do porto de Corcubión e con destino a Arteixo, era interceptado na comarca de Bergantiños con 7500 quilos de xarda capturada de forma ilegal, xa que a citada especie atopábase vedada para a pesca.

A aprehensión de hoxe vén completar un operativo que se mantén no tempo desde fai aproximadamente un par de semanas e que arroxou resultados, en intervencións de peixe ilegal, que rolda as 60 toneladas. Ademais das citadas aprehensiones de peixe, os gardas efectuaron inspeccións en varios barcos e en catro deles constatáronse irregularidades que desencadearon a inmovilización dun deles como medida cautelar.

Os responsables do operativo aseguran que a investigación segue aberta e que non se descartan novas intervencións, tanto en barcos como no transporte por estrada, dos produtos procedentes da pesca.

A mercancía intervida foi entregada no Banco de Alimentos de Galicia para o seu destino á beneficencia.

Novas relacionadas

• 24-07-13: Incautan 70 kilos de marisco e centos de artes de pesca ilegais na zona.
• 11-07-13: Novo ataque contra o furtivismo en Malpica, Corme, Laxe, Fisterra e Muros.
• 13-05-13: Máis de 180 kilos de marisco e peixe incautados en Lira e Corcubión.
• 06-05-13: Novas incautacións de marisco en Muxía e Muros.
• 06-02-13: 1000 quilos de peixe de Camariñas requisados en Vimianzo.

Fonte

• Nota de prensa da Garda Civil.