O pleno de Corcubión aproba o POS por unanimidade e realiza o relevo de dous edís
07:14 05/02/25
O Pleno da Corporación de Corcubión, en sesión celebrada este martes 4 de febreiro, aprobou por unanimidade a proposta do equipo de goberno do BNG, de participación no Plan Único da Deputación da Coruña (POS+ 2025), no que se inclúen as seguintes actuacións:
- Mellora do saneamento e pavimentación da rúa Cruceiro de Valdomar (74.474,69 euros)
- Subministración e colocación de equipamentos nos parques infantís da praza Agra da Ribeira e da área recreativa de San Roque (24.223,18 euros)
- Gasto corrente (95.794,99 euros)
Ademais, quedou aprobado o Plan Complementario da Deputación, que contempla a mellora de saneamento e pavimentación na beirarrúa da Avenida da Constitución, por importe de 42.049,42 euros.
Relevo
Na sesión plenaria fíxose efectiva o relevo de dous concelleiros do grupo de gobero, María Bella e Lois Lado, por Pilar Tubío e Juan Carlos Cristino.
