Venres. 03.02.2023
El tiempo

O pleno de Corcubión volveu pedir que se remate a Autovía e que se elimine a peaxe

Pancarta BNG Corcubion
Pancarta do BNG instalada en Corcubión
O pleno de Corcubión volveu pedir que se remate a Autovía e que se elimine a peaxe

Acordo plenario este venres en Corcubión. Unha das mocións presentadas polo BNG requiriou un debate completo, pero saíu aprobada unha moción para instar á Xunta a que remate, "dunha vez", a autovía da Costa da Morte, que leva anos paralizada pola incompetencia do Partido Popular e para que elimine as peaxes na autovía de Carballo a Coruña.


Para o BNG estes factores condicionan moito a vida da veciñanza, que por exemplo, para acudir ao servizo de Cardioloxía á Coruña, por carecer del no hospital de Cee, necesitan 30 euros de combustible e 5 euros de peaxe por día. Ademais púxose sobre a mesa a necesidade de iniciar xa os estudos de viabilidade dun tren de proximidade para a Costa da Morte, a mellora das conexións no transporte público de autobuses e o impulso e execución dun plan de mellora das telecomunicacións e de dixitalización, acelerando a finalización dunha rede de fibra óptica que chegue a todo o rural.

Outras moción

O pleno tamén aprobou moción presentada polo comité de empresa de XEAL en todos os concellos da comarca, no que instan a Xunta e á empresa á cumprir coa legalidade na vinculación das concesións hidráulicas co emprego na comarca, ademais de instar á mediación dos concellos para negociar a aplicación do convenio colectivo de empresa actualizado.

Tamén se aprobou outra que solicitaba instar a todas as administración a impulsar compromisos económicos e orzamentarios para garantir a atención á violencia machista no contexto da crise de prezos e do rearme do machismo. A terceira, que tamén saiu aprobada, foi na a defensa do sector pesqueiro ante o último veto da comisión de pesca, que pode ter un impacto anual duns 80 millóns de euros na facturación do sector.

En Corcubión, a 25 de outubro de 2022

comentarios