O pasado luns o Huseyn Javid fondeou en Fisterra por problemas nas súas máquinas. Imaxe: David Trillo Sobre as 5:30 horas desta madrugada o buque Huseyn Javid abandonou Fisterra despois de que o pasado luns tivese que afondear aquí ao presentar problemas na súa maquinaria. Segundo fontes de Salvamento Marítimo, o quimiqueiro deixou atrás o buque de abrigo de Fisterra reanudando a súa navegación cara Ámsterdam. O Don Inda, que prestaba labores de auxilio desde que alertou dos problemas na súa maquinaria, regresou xa á súa base. O buque, con bandeira de Malta e que transportaba parafina, alertou por problemas na súa maquinaria frente á costa de Fisterra o luns e solicitou o apoio para aproximarse a terra. O Huseyn Javid, con 16 tripulantes a bordo, saíra do porto turco de Aliaga con destino a Ámsterdam. En total, o quimiqueiro pasou algo máis dun día fondeado fronte a Fisterra mentras se levaban a cabo as labores de reparación da súa maquinaria, o que lle permitiu tamén estar nunha zona de abrigo durante o temporal de nivel vermello que afectou nas últimas horas á costa galega.  

Novas relacionadas:

• Un quimiqueiro fondea en Fisterra por problemas cas máquinas
• #12anosdoPrestige40.000 barcos atravesan cada ano o Corredor de Fisterra
• A tráxica e real historia, erro tras erro, do inoperante heliporto de Salvamento da Costa da Morte

Máis novas relacionadas

• A praia de latas do Casón.
• Casón: 25 anos da histeria colectiva provocada.

Fonte

• Redacción de QPC ([email protected])
• EuropaPress