A revista literaria "A Galopar" nace arroupada
O Centro Recreativo e Cultural de Corcubión acolleu na mañá do sábado 4 de abril a presentación da revista literaria A Galopar. No acto, ateigado de xente, interviron o poeta Alex López, o articulista José Mayo, e o director da mesma, o noso Abraham Trillo.
Segundo explicaron, pretende ser "unha revista de corte libertario e plural" na que os seus participantes poidan falar do que queiran e expresarse no idioma que estimen oportuno sen censura algunha. A Galopar, que na súa primeira edición vai adicada a memoria do recentemente falecido corcubionés Jaime Lago, imprimirase de forma mensual e distribuirase en diferentes puntos da bisbarra.
Artigos do propio Trillo, de Angel Martínez Moar, Cándido Barral, José Mayo, Pilar Astray ou unha poesía de Manolín forman o primeiro número da revista.
