A xestión das depuradoras dos últimos anos en Coristanco debería ser levada a un Xulgado. Investimentos millonarios en instalacións pioneiras, que foron abandonados entre os lodos do noso lixo.

O pasado mes de outubro o Concello conseguía arrincar a depuradora de Portoquintáns, tras 3 anos de abandono. Agora, o alcalde coristanqués achéha proponlle a Xunta seguir traballando para aproveitar estas necesarias infraestruturas.

Onte mantivo unha reunión co delegado da Xunta na Coruña, Gonzalo Trenor. Primeiro repasaron o bo resultado das obras (por apenas 43.000€) que permitiron poñen en marcha o saneamento para unha poboación de 600 habitantes.

García Pose pediu o compromiso para a seguir avanzando no proxecto de mellora da EDAR de Vilaverde.

Así mesmo, rexedor trasladou a importancia de contar co apoio da Xunta para a execución dun proxecto de humanización da travesía de San Roque que discorre desde a rotonda do hipermercado ata a rotonda do desvío a Santa Comba. Esta actuación consistiría na mellora de toda a seguridade vial, sinalización, pavimentación, colocación de mobiliario urbano e plantación de arborado decorativo.
O delegado da Xunta comprometeuse a estudar a proposta e de buscar posibles vías de colaboración entre ambas administracións para a execución desta obra.

Novas relacionadas

• Outubro 2020: Poñen en marcha en Coristanco unha depuradora que levaba 3 anos abandonada.
• Agosto 2020: O Polígono de Coristanco volve á palestra 20 anos despois
• Xullo 2020: Comezan as obras para poñer a funcionar a depuradora de Portoquintáns, entregada hai 3 anos ao Concello de Coristanco
• Xuño 2018: Denuncian que o Concello de Coristanco abandona as Depuradoras de Cereo e Valenza apenas un ano despois da súa posta en funcionamento.