“Loading” Autovía Costa da Morte: 56%
22 de setembro de 2015 e a Xunta anuncia que as obras da autovía da Costa da Morte están executadas ao 56%, o que, segundo destacan, “garante a súa posta en servizo nesta lexislatura”. Así o manifestou hoxe o director da Axencia Galega de Infraestruturas (AXI), Francisco Menéndez, na Comisión 2ª do Parlamento de Galicia. O que non recordou foi que o prazo inicial era para estar rematada en 2013…
Recordou Menéndez a nova vía de alta capacidade cunha lonxitude total de 27,1 quilómetros, dos cales 25 son de sección autovía (tramo 1, Carballo – Baio) e 2,1 de corredor (tramo 2, Baio – Santa Irene). Discorre polos Concellos de Carballo (no que conecta coa AG-55), Coristanco, Cabana de Bergantiños, Zas e o termo municipal de Vimianzo (ata Santa Irene). Pero volveu esquecer o treito sur da vía, do que non sabemos nada.
Iso si, destaca que “esta vía posibilitará un aforro de tempo de 25 minutos por viaxe e evitará máis de 7 quilómetros de travesías”.
Estados das obras
Os traballos avanzan a bo ritmo, precisando que no treito Carballo – Baio está executado o 52,17 % e no tramo Baio - Santa Irene, o 79,61%.
No que se refire ao treito Carballo- Baio, o movemento de terras está realizado ao 94 %; a drenaxe transversal, executado o 87%; a drenaxe lonxitudinal, o 15% e as estruturas, o 69,5%.
No treito Baio- Santa Irene, o movemento de terras está ao 96%; a drenaxe transversal, ao 100 %; a drenaxe lonxitudinal; ao 4 %; e as estruturas, ao 97 %.
Na actualidade están rematadas as reposicións de 7 estradas e con desvíos provisionais outras 5 delas. Entre as estradas coa reposición rematada destacan a AC-421 (Agualada – Buño), AC-423 (Grilloi – Ponteceso), AC-552 ( A Coruña – Cee) en Repenín, AC-430 (Baio – Ponteceso) e DP-1406.
Pagamento de expropiacións
Nestes meses de obras a Xunta priorizou o pagamento das expropiacións e a atención ás cuestións que puideran trasladar concellos e veciños.
En canto ás expropiacións, que afectaron a 2.924 fincas, xa están pagadas a día de hoxe en todos os casos, só pendentes dalgún caso particular no que falten datos ou da resolución de expedientes no Xurado de Expropiacións.
Emprego
Segundo a Xunta, “A execución desta infraestrutura non só dinamizará a economía da Costa da Morte coa súa posta en servizo, senón que xa o está a facer a día de hoxe, xa que estas obras están a xerar 235 postos de traballo, o que permite impulsar e fortalecer a recuperación económica na zona”.
Novas da Autovía
- 21-07-15: A Xunta reduce o número de enlaces da Autovía.
- 27-04-15: Os veciños de Coristanco esixen a saída da Autovía.
- 23-04-15: A Xunta elimina dúas saídas da Autovía.
- 30-03-15: O bo ritmo electoral da Autovía Costa da Morte.
- 16-03-15: Unha electoral e reivindicativa inauguración da tan necesaria Casa da Cultura de Cee.
- 16-03-15: Que pasa cas obras da Autovía feitas en Vimianzo?.
- 22-12-14: O BNG pide que a Autovía chegue a Cee.
- 09-12-15: As máquinas volven traballar na Autovía Costa da Morte case dous anos despois.
- 27-11-14: Que relación ten a trama Gürtel ca Autovía Costa da Morte?.
- 20-11-14: O BNG denuncia o sobrecuste e o PP repítese as súas promesas sobre a Autovía.
- 12-11-14: A Xustiza xulgará a legalidade da modificación do contrato da Autovía Costa da Morte.
- 06-11-14: É legal o proceder da Xunta coa Autovía Costa da Morte?.
- 23-10-14: O treito norte da Autovía e o dragado de Laxe, nos Orzamentos 2015.
- 21-10-14: O novo contrato da Autovía supón a anulación do treito sur.
- 16-10-14: As obras da Autovía non comezarán ata finais de 2014 e rematarán en outrubro de 2016.
- 29-09-14: Feijoo ratifica na súa visita a Camariñas que as obras da autovía se retomarán de forma inmediata.
- 24-09-14: O PP autoesíxese só o treito norte da Autovía.
- 01-09-14: Segunda marcha reivindicativa pola escombreira da Autovía Costa da Morte.
- 25-08-14: Os políticos moven ficha de marcha pola Autovía.
- Unha colleita de sinaturas online para esixir o reinicio das obras da Autovía Costa da Morte.
- 19-06-14: O BNG esixe, por enésima vez, unha solución inmediata á Autovía Costa da Morte.
- 10-03-14: Preguntando pola volta ás obras da Autovía.
- 05-05-14: A eterna promesa incumplida da Autovía Costa da Morte.
- 30-01-14: Unha colleita de sinaturas online para esixir o reinicio das obras da Autovía Costa da Morte.
- 03-12-13: A Xunta promete retomar as obras do treito Carballo-Baio da Autovía a primeiros de ano.
- 31-10-13: A Autovía volveu ao Parlamento e terá alomenos 3 anos de retraso.
- 25-10-13: A concesionaria da Autovía Costa da Morte, en creba.
- 04-10-13: O BNG pide que se anule o contrato coa concesionaria da Autovía e que a Xunta asuma un contrato de obra pública.
- 20-09-13: Os Concellos de Carballo, Vimianzo e Zas pregúntanlle á Xunta polas obras da Autovía.
- 11-09-13: O BNG denuncia a eterna parálise da Autovía Costa da Morte.
- 14-03-13: O Conselleiro ríese da Costa da Morte asegurando que a Autovía estará rematada no 2016.
- 04-03-2013: O BNG denuncia a eterna parálise da Autovía Costa da Morte.
- 05-02-13: A Xunta recoñece case un ano de parálise na Autovía Costa da Morte.
- 08-10-12: A Xunta rectifica as verbas de Hernández e insiste en que a Autovía non está paralizada.
- 26-09-12: A Xunta ratifica os retrasos na Autovía ante a falta de financiamento da empresa.
- 22-09-12: A Autovía que separa.
- 20-09-12: A Autovía da Costa da Morte non estará rematada no 2013.
- 19-09-12: Os alcaldes da Costa únense ante a paralización das obras da Autovía.
- 06-06-12: As máquinas volven á Autovía e a Xunta asegura que se cumplirán os seus prazos.
- 06-06-12: Un poboado calcolítico afogado polo asfalto.
- 24-04-12: O Conselleiro ratifica unha Autovía rematada no 2013 e sen peaxe.
- 13-04-12: Os camións da Autovía paran.
- 03-04-12: Paralizadas as obras da Autovía?.
Artigos relacionaddos
Fonte
- Redacción de QPC ([email protected]).