A dimisión da comisión permanente asina o finiquito da Asociación Neria
07:15 07/02/17
Xaque a unha asociación histórica na Costa da Morte. A dimisión en bloque da comisión permanente da asociación Neria deixa ao borde da desaparición unha entidade "supramunicipal" que durante case 25 anos xestionou millóns de euros de fondos públicos para a Costa da Morte.
O pasado venres, día 3, celebrouse na sala de xuntas de Neria unha xunta directiva mentras un forte temporal de auga e choiva pasaba con forza pola Costa da Morte e que serviu de excusa a máis dun para non asistir á convocatoria. Os membros da comisión permante alí presentes aproveitaron o momento para presentar a súa dimisión comezando polo presidente, Francisco Javier González. "Chegado este momento, hai que tomar decisións e creo que bastante traballo fixen e bastante aguantei nestes tres anos e medio que levo presidente", recoñece o ata agora representante de Neria.
Tal e como indicaba nunha entrevista en QPC a finais do ano pasado, a falta de compromiso - principalmente por parte dos políticos - foi a principal causa que levou a González a dimitir. "Os concellos e a Deputación son membros natos de Neria polo que eles van a quedar sí ou sí; son os que realmente teñen que tomar as decisións a partir de agora" sentencia.
Francisco Javier González sigue decindo que ésta é unha entidade necesaria e que "na Costa da Morte non hai nada creado ainda nada que sexa como Neria". Para el iso demóstrase en eventos como Fitur onde houbo ata seis versións diferentes da Costa da Morte."Cada un vai por libre, o que significa que non hai un compromiso real coa comarca" di González.
Concurso de acreedores
Dende hai anos Neria leva afundindose lastrada polas súas débedas - que a día de hoxe ascenden a un millón de medio de euros - e polo posible fraude no proxecto do C3M que obrigou a pasar polos Xulgados a varios alcaldes da bisbarra. Ante esta situación, González pronostica que o seguinte paso de Neria será presentar un concurso de acreedores que, segundo indica, deberán prantexar os concellos e a Deputación.
Para José Manuel Mouzo Castiñeira, alcalde de Laxe, a situación de Neria "ten difícil solución, pero un día ou outro hai que enfrontarse a ela". Mouzo xunto con José Marcote Suárez - alcalde de Fisterra -, foron os únicos rexedores que asistiron á convocatoria. "O de Carnota non puido asistir porque tiñan pleno e o de Cee excusou a súa ausencia", sinala Javier González.
Mentres, os alcaldes de Cee e Camariñas, Ramñon Vigo e Manuel Valeriano Alonso, así como o eterno secretario da entidade, Xan García, están imputados por un posible fraude no caso do C3M.
Novas relacionadas
- 27-12-16: Francisco Javier González: “Neria é viable se os políticos se interesan por ela”
- Setembro 2016: Neria pasa polo Xulgado por posible fraude no C3M
- Setembro 2016: A última asemblea da Asociación Neria?.
- Setembro 2016: Piden que o Concello de Cee abandone a Neria.
- Marzo 2016: Xa son 5 os Concellos que abandonan a Asociación Neria.
- Xaneiro 2016: Mazaricos sae da Neria e busca abrir o Polígono.
- A Deputación auditará as contas da Neria
- 16-02-15: Piden unha auditoría das contas da Neria.
- Ata a Deputación denuncia as débedas da Asociación Neria.
- 04-12-14: Radiografía da Neria por unha ex traballadora.
- 30-11-14: A Neria, en quebra.
- 03-09-14: Denuncian adxudicacións ilegais á Neria.
- As frechas azuis van ao xulgado.
- Oficina de Turismo: Pechada por vacacións.
- Unha viaxe política para vender o valor turístico do Camiño a Fisterra e Muxía.
- Xaneiro 2014: A Neria pon no tellado do Concello de Cee e da Deputación a apertura do C3M.
- Setembro 2012: O C3M estará en marcha en marzo de 2013.
- Xuño 2011: A innovación tecnolóxica da Costa segue á espera do C3M.
- Marzo 2011: O Centro de Coñecemento da Costa da Morte abrirá as súas portas en xuño.
- Agardando polos códigos Qr.
- Redacción QPC ([email protected])