A Fedanpa celebrou o seu primeiro ano de vida cos premios Rosalía e Werto

Parece que levan moito máis tempo en circulación i é que dende o primeiro día de creación a súa loita non pasa desapercibida. A loita contra a LOMCE, por un Ensino Público Galego de Calidade, é un dos seus modos de vida, pero neste primeiro curso, son moitas máis as cousas a celebrar.

Nun dinámico e emotivo acto, tivo lugar o pasado venres a celebración do primeiro aniversario das ANPAs da Costa da Morte no Pazo de Cultura de Carballo. Presentada por Consuelo Lestón, da ANPA de Sardiñeiro, a gala mantivo o discurso reivindicativo que dá sentido á creación da federación, e recordou que "ás nais e aos pais tócanos defender" o Ensino Público, "nestes tempos nos que recibe ataques sen precedementes".

Tomou a palabra o alcalde de Carballo, facendo fincapé nos conceptos "público" e "galego", e rematando cuns textos de Manolo Rivas.
O presidente da Federación, Xosé Antón de la Fuente Subiela, fixo referencia, en nome de todas as ANPAs, ao ano de existencia da federación.

Os premios

Chegou o momento da entrega dos simpáticos premios. O Werto pensado para denunciar publicamente a persoas, entidades ou institucións cuxas decisións supoñen un ataque ao Ensino Publico. O Rosalía, en recoñecemento da labor de persoas, entidades ou institucións, cuxa loita en defensa do Ensino Público debe ser recoñecida publicamente e difundida.

O presidente da federación de ANPAs quixo facer a entrega do seu premio a Ignacio Wert Ortega, ministro de educación, pero non asistiu a recepción do seu merecido premio Werto.

O presidente da Confederación de ANPAS GALEGAS, Javier Sánchez, foi o encargado de entregar o premio Rosalía, concedido á Plataforma en defensa do Rural e da Montaña.

Rematou o acto cun monólogo sobre o ensino a cargo da actriz Cristina Moreira.

Novas relacionadas

• 20-04-13: Os estudantes da Costa volven dicir non á LOMCE.
• Coa ANPA Alén de Corcubión, a Fedanpa integra a todas as Anpas da Costa.
• A Fedanpa esixe a volta ao sistema de préstamo universal dos libros de texto.
• Un camión de tapóns solidarios dende a Costa da Morte para Matías.
• As rúas de Carballo cambian coches por nenos.
• A Fedanpa considera os orzamentos da Xunta como un paso na privatización.

Máis novas sobre a loita contra a LOMCE

• A Costa da Morte móllase polo ensino público.
• A comunidade educativa e cultural prepara a gran folga do 24O.
• Un peregrinación ata a fin da terra polo ensino público no rural.
• O Camiño, do revés, polo ensino público.
• Música e versos para berrar #NonáLOMCE.

Fonte

• Fedanpa.
• Redacción de QPC (info@quepasanacosta.gal).