"Todo o Ensino Público e os seus servizos complementarios deben ser sufragados integramente con fondos públicos, estamos a falar, obviamente, de libros de texto, mais tamén falamos de calquera material necesario para a educación obrigatoria".

Sobre esa premisa, a Federación de ANPAs da Costa da Morte (FEDANPA), e co apoio da última opinión da Defensora del Pueblo, Dª Soledad Becerril, esixe a volta ao sistema de préstamo de material escolar:

• O material escolar debe ser gratuíto para todas e todo. Para nós Ensino é Ensino Público, e gratuidade é gratuidade no Ensino Público.
• Non só falamos de libros de texto, tamén de todo o demais, do material accesorio, todos eses mapas, dicionarios, caderniños, pinturas, compases, escuadras e cartabóns; e tamén falamos deses cinco euros do autobús para as saídas.
• Para todos, e gratuíta de verdade. Porque o di a tan nomeada Constitución no seu artigo 27.4: “O ensino básico é obrigatorio e gratuíto” e podemos complementalo co artigo 3.3 da LOE (que a LOMCE deixou vixente) “A Educación Primaria e a Educación Secundaria Obrigatoria constitúen a educación básica”  e aínda podemos continuar co artigo 4.1 da mesma Lei: “O ensino básico ao que se refire o artigo 3.3 (o de antes) desta Lei é obrigatorio e gratuíto”.

Nova folga

Unha Fedanpa que segue en pé de guerra contra a LOMCE, e xa propón unha convocatoria de folga estudantil para o 20 de febreiro.

A Anpa Uxío negocia co Concello de Cee

Mentres, a ANPA Uxío, do Eugenio López, non para. Onte tiveron unha reunión coa alcaldesa de Cee, Zaira Rodríguez, para poder contar co apoio do concello e intentar pedirlle alguhas actividades. A alcaldesa comprometeuse a ceder o pavillón, a pista de atletismo e o que fixese falta para poder sacar adiante a xornada única dentro do colexio, unha vez que a día de hoxe os horarios do colexio son de 10.00 a 13.00 e de 15.00 a 17.00, e os membros da ANPA queren que sexa de 9:30 a 14:30 e de 14:30 a 15:30.

De igual xeito, por parte da ANPA xa teñen varias actividades comprometidas ao igual que un equipo de profesores que os apoian. Tamén testá dacordo cas peticións a dirección do colexio, e xa foi remitido o informe de horario á Consellería para o cambio dos autobuses.

O vindeiro xoves día 23 de xaneiro haberá unha asemblea para todolos socios do colexio.

Novas relacionadas

• Un camión de tapóns solidarios dende a Costa da Morte para Matías.
• As rúas de Carballo cambian coches por nenos.
• A Fedanpa considera os orzamentos da Xunta como un paso na privatización.

Máis novas sobre a loita contra a LOMCE

• A Costa da Morte móllase polo ensino público.
• A comunidade educativa e cultural prepara a gran folga do 24O.
• Un peregrinación ata a fin da terra polo ensino público no rural.
• O Camiño, do revés, polo ensino público.
• Música e versos para berrar #NonáLOMCE.

Fonte

• Redacción de QPC ([email protected]).
• Información da ANPA Uxío e da Fedanpa.