Aínda está moi viva a chama da rocambolesca moción de censura de Coristanco. A última valoración, despois de que o o PP asegure que vai abrir expediente administrativo aos 6 edís coristanqueses, chega dende o grupo de En Marea, tanto a nivel local, como nacional.

A nivel nacional, En Marea “demanda a actuación do Estado para anular o acordo ilegal da moción de censura” e para iso presentará “unha iniciativa no Parlamento de Galicia para instar ao Estado a levar adiante as accións para anular o acordo do pleno”. Fai referencia á Lei Anti-transfuguismo, ao incumprimento do art. 197 da Lei orgánica 2/2011, de Réxime Electoral Xeral.
Entenden que “este vergoñento capítulo na vida política do Concello de Coristanco e do país non debería de durar nin un día máis do necesario”., polo que tamén insta ao resto de grupos municipais a “presentación inmediata do recurso xudicial de tutela de dereitos fundamentais (a vía xudicial máis rápida, ao se preferente) por violación do art. 23 da Constitución española”.

A nivel municipal

A nivel municipal, Juan Carlos Abelenda recoñece o seu propio sentimento de “vergoña polo esperpento político no que se está a converter Coristanco”. Abelenda considera a moción como “unha manobra antidemocrática para que o concello volva a estar gobernado por quen foi alcalde durante 24 anos e sobre quen pesan numerosas imputacións por prácticas corruptas de diversa índole”.

Culpa, en parte, ao xa ex alcalde, Amancio Lavandeira, por considerar que “as súas actitudes dende a súa chegada á alcaldía foron un elemento fundamental para propiciar a moción de censura, xa que feitos como a súa ineficacia política, a súa aposta por seguir practicando políticas clientelares como o seu antecesor e a súa falta de transparencia e autoritarismo que tanto denunciaba na campaña electoral do 2015, fixeron que as veciñas e veciños de Coristanco se sintan defraudados co seu goberno e deste xeito facer que o Partido Popular se vise lexitimado para levar a cabo a moción de censura”.

En todo caso, Abelenda lembra tamén “os presuntos intentos de suborno que leva intentando facer o Partido Popular a distintas concelleiras dende o comezo da lexislatura para deste xeito volver a facerse co poder e así seguir lucrándose o Sr. Pensado e as súas empresas amigas a conta do concello”.

En Marea ten tamén palabras para o novo alcalde. “Xúrdenos a cuestión de se a aposta decidida de Abraham Gerpe por levar a cabo o fraude electoral que cometeu coa cidadanía de Coristanco, pactando a súa chegada á alcaldía co Partido Popular máis corrupto da comarca, cando él facía alarde de ser o abandeirado da rexeneración, está relacionado cunha posible aceptación dun suborno ou dalgún tipo de acordo entre ámbolos dous partidos, xa que resulta moi sospeitoso o feito de que os seis concelleiros do Partido Popular se pasen ao grupo dos non adscritos ao igual que Abraham Gerpe tras ser expulsado do PSdeG-PSOE despois de levar a cabo a moción coa que desbancaron a Amancio Lavandeira da alcaldía”.

Cabeza alta, máns limpas

O Grupo de goberno de TeGa marcha do goberno crendo que a xustiza vai devolver á normalidade esta situación de “caos” tralo “vergoñento pleno da moción”. Saen ademais coa “Cabeza alta e as mans limpas”.

A historia da moción de censura de Coristanco

• 25-08-17: O PP abrirá expediente disciplinarios aos concelleiros que fixeron posible a moción en Coristanco.
• 25-08-17: Abraham Gerpe, novo alcalde de Coristanco ao sacar adiante a moción de censura.
• 24-08-17: O PP rompe o seu silencio dando por pechada a moción de censura en Coristanco.
• 23-08-17: O PSdG expulsa a Abraham Gerpe e fai case imposible a moción de censura en Coristanco.
• 22-08-17: TeGa arremete contra PP e PSOE no marco da moción de Coristanco.
• 11-08-17: O PSdG Provincial dá marcha atrás á moción de censura de Coristanco.
• 08-08-17: PSOE e PP presentan unha moción de censura en Coristanco.

Máis novas da política municipal de Coristanco

• Agosto 2017: O Concello de Coristanco saneou en 2 anos os 3 millóns de euros de débeda municipal do anterior goberno do PP.
• Xullo 2017: O BNG de Coristanco lamenta “un goberno sen proxecto nin iniciativas” tras un pleno de 15 minutos.
• Xuño 2017: En Marea fai balance dos dous do goberno “caciquil” en Coristanco.
• 22-06-17: O suposto suborno do PP a unha edil de TeGa tensa máis a corda da política coristanquesa.
• 22-06-17: Lavandeira califica de traizón a marcha de Verónica Facal de TEGA.
• 21-06-17: Verónica Facal deixa só ao alcalde á fronte de TeGa de Coristanco
• Febreiro 2017: O BNG sae do goberno de Coristanco e deixa só ao alcalde.
• Febreiro 2017: Os veciños volven quedar sen palabra no pleno de Coristanco.
• Novembro 2016: O PSOE de Coristanco apoia unha moción da revisión do IBI presentada polo PP.
• Xuño 2016: O BNG de Coristanco critica a falsa xenerosidade do edil do PSdG
• Xuño 2016: O edil do PSOE de Coristanco renuncia á súa dedicación.
• Abril 2015: Gerpe, o alcaldable máis novo do PSdG en toda a provincia.
• Xuño 2015: PSOE e BNG apoiarán a investidura a Amancio Lavandeira como novo alcalde de Coristanco.

Máis novas

• Maio 2015: Por que non nos importa a imputación dos nosos candidatos á alcaldía?.
• Maio 2015: A man culpable do alcalde de Coristanco Pensado Plágaro.
• Xuño 2014: O alcalde de Coristanco, imputado por prevaricación e malversación de fondos públicos.
• Febreiro 2014: A concesión de obras municipais volve levar a un Concello de Coristanco ante a Xustiza.
• Febreiro 2014: Rexistro no Concello de Coristanco por suposto delito de prevaricación e tráfico de influencias.

Fonte

• Redacción de QPC ([email protected]).