Javier González é o actual presidente de Neria O pasado mes de setembro, Neria pasou polos xulgados por un posible fraude no proxecto do C3M. Tres meses despois, a entidade que un día foi referencia na Costa da Morte segue na corda frouxa. Francisco Javier González, actual presidente de Neria, explica a situación actual que atravesa a entidade despois de que varios concellos aprobasen deixar de formar parte dela.

• QPC: En que situación situación está Neria nestes momentos?

A semana pasada estivemos en Madrid nunha xuntanza para ver o tema do crédito que temos do Ministerio de Industria así como a subvención co fin de buscar a posibilidade de retomar o proxecto. A maior débeda que ten Neria neste momento é co Ministerio. Dende o organismo oficial, comprometéronse a buscar unha solución para ambas partes aínda que non nos deron ningún prazo.

• QPC: Cal é o seguinte paso que dará Neria?

Posiblemente esta semana se convoque unha xunta directiva.

• QPC: Neria pode seguir sendo viable?

Sigo decindo o mesmo dende fai moito tempo: creo que Neria é viable sempre e cando os políticos se interesen por ela. Se os políticos cren en Neria, a entidade é viable. A débeda está aí pero iso é un proxecto a 15 anos e hai moitas maneiras de solventala. O principal é crer en Neria.

• QPC: Complicouse máis a situación co abandono de Malpica, Mazaricos e Zas?

Na miña opinión, as cuestións políticas hai que solventalas politicamente. É verdade que algúns concellos se deron de baixa, sobre todo os gobernados polo BNG - a excepción de Carnota - porque os seus alcaldes entenden que están mellor fóra que dentro. Creo que se equivocan, xa que para saber se Neria lle vai a favorecer ou non ao concello que dirixen teñen que formar parte da entidade. Ademais, aínda que abandoen a entidade son igual responsables subsidiariamente. Eu penso que Neria hai que entendela doutra maneira e non marchar ou quedar en función se están os dos meus ideais políticos ou non.

• QPC: Que foi de todos os proxectos que tiña en marcha Neria?

Ao non poder pedir ningunha subvención nin nada, os proxectos están parados. Agora estamos no punto da pescadilla que se morde a cola; mentras non haia diñeiro para poñer a Neria ao día con Facenda e coa Seguridade Social - , para o que se precisan uns 10.000€ - os proxectos están parados. Será a xunta directiva a que decida que o vai pasar.

• QPC: A canto ascende a débeda de Neria?

En total, un millón e medio de euros; dos cales, 1,2 millóns de euros son do C3M. Se ese proxecto se retoma ten unhas cuotas de 76.000€ ao ano que serían asumibles xa que iso estaba previsto. O C3M atópase na rúa Magdalena de Cee

• QPC: Que vai pasar co C3M?

Insisto de novo no tema político. O conselleiro de Industria dixo na última campaña electoral durante unha reunión mantida cos empresarios que a Costa da Morte tiña que ter un centro onde houbera un viveiro de empresas, un centro de formación,... Polo que o proxecto do C3M está dicindo a Xunta de Galicia que ten que existir na Costa da Morte. E se se remata, xa o hai.

• QPC: Cal sería a solución para reactivar o proxecto do C3M?

Nos vemos a viabilidade na Deputación da Coruña que sería quen se quedaría cos beneficios do C3M e coas instalacións a cambio de pagar a débeda. Haber hai mil posibilidades, pero son cuestións que hai que abordar en profundidade.   Novas relacionadas

• Setembro 2016: Neria pasa polo Xulgado por posible fraude no C3M
• Setembro 2016: A última asemblea da Asociación Neria?.
• Setembro 2016: Piden que o Concello de Cee abandone a Neria.
• Marzo 2016: Xa son 5 os Concellos que abandonan a Asociación Neria.
• Xaneiro 2016: Mazaricos sae da Neria e busca abrir o Polígono.
• A Deputación auditará as contas da Neria
• 16-02-15: Piden unha auditoría das contas da Neria.
• Ata a Deputación denuncia as débedas da Asociación Neria.
• 04-12-14: Radiografía da Neria por unha ex traballadora.
• 30-11-14: A Neria, en quebra.
• 03-09-14: Denuncian adxudicacións ilegais á Neria.
• As frechas azuis van ao xulgado.
• Oficina de Turismo: Pechada por vacacións.
• Unha viaxe política para vender o valor turístico do Camiño a Fisterra e Muxía.
• Xaneiro 2014: A Neria pon no tellado do Concello de Cee e da Deputación a apertura do C3M.
• Setembro 2012: O C3M estará en marcha en marzo de 2013.
• Xuño 2011: A innovación tecnolóxica da Costa segue á espera do C3M.
• Marzo 2011: O Centro de Coñecemento da Costa da Morte abrirá as súas portas en xuño.
• Agardando polos códigos Qr.

Fonte

• Redacción QPC ([email protected])