Hai dous anos aprobábase no Parlamento Galego, por unanimidade, a creación dunha Mesa de traballo co fin de acadar a homologación do Camiño dos Faros. Pero parece evidente que aquelo foi un erro estratéxico do PP que mantén unha falla de vontade e traballo absolutamente radical. A de onte foi a 5ª vez que o asunto chegaba á Comisión de Turismo do Parlamento Galego, pero podemos intervención de onte coas 4 anteriores e apenas hai diferencia.

O socialista Martín Seco volvía pedirlle á Xunta que recupere as negociacións, que deixe de “roubarlle o nome ao Camiño dos Faros ou diluilo noutras sendas máis amplas baixo intereses empresariais de amigos do PP”. Seco lembrou que a pesar da inacción da administración “O Camiño xa está consolidado, a xente quere facer este Camiño e non outros que vostedes inventedes”.

A realidade é a Federación Galega de Montañismo non acepta certos elementos da proposta da Asociación en materia de seguridade, medioambiente, paso por fincas privadas… Uns elementos que pola contra si aceptan entidades internacionais vinculadas co sendeirismo, de aí que a Asociación non queira facer novas modificacións e acusa á Federación de seguir os intereses da Xunta e bloquear o proxecto.

Foi aí cando a Directora Xeral de Turismo, Nava Castro, acusou á propia entidade, e de paso aos Concellos da comarca, como culpables da non homologación. Castro asegurou que o goberno galego estivo traballando por atopar un consenso sobre o trazado, pero recoñece que apenas tivo unhas reunións con certos concellos sobre as modificacións necesarias. Acusou ademais a algúns, como o de Ponteceso, de non aportar esas posibles modicacións.

Castro acusou aos Concellos de non ter consenso sobre o comezo e final da ruta, pero tampouco demostrou ningún interese por chegar a un acordo entre eles.

Senda Litoral de Galicia

Castro recuperou a mesma argumentación nas 3 anteriores comparecencias, apenas cambiando o nome da “Senda dos Faros” (claramente copiada do Camiño dos Faros) por “Senda Litoral de Galicia”. Foi aí cando deixou claro Castro que a aposta da Xunta é por esta Senda Litoral que inclúe todo o litoral galego, de aí o seu desinterese polo camiño da Costa da Morte.
De feito, nas poucas reunións que mantivo cos rexedores e rexedoras da comarca, un duns puntos claves é a aposta do goberno galego por esa senda global, e nunca pola comarcal.

NOVAS RELACIONADAS

• Xullo 22: “Non somos nada sen o Camiño dos Faros”.
• Setembro 2021: O Camiño dos Faros creceu un 33% no 2021 a pesar do esquecemento das administracións.
• Maio 2021: O Camiño dos Faros, unha das mellores rutas de Europa segundo a ERA.
• 07-05-21: “O Camiño dos Faros non se homologa polo bloqueo da Xunta e a Federación Galega de Montañismo”.
• 27-11-2020: Os trasn@s ofrecen un informe técnico e medioambiental para demostrar a alta calidade da ruta o Camiño dos Faros.
• Outubro 2020: Canto é o impacto real do Camiño dos Faros na Costa da Morte? .
• Outubro 2020: A Asociación Camiño dos Faros cansa e desiste de ser o promotor da homologación da ruta GR.
• Decembro 2016: O Camiño dos Faros cumpre 4 anos.
• Abril 2013: O Camiño dos Faros ábrese ao mundo.
• Febreiro 2013: Percorrendo a pé, e con Traski, o Camiño dos Faros da Costa da Morte