Preto de 7.500 alumnos de Infantil e Primaria empezan o curso coa novidade do transporte escolar compartido
13:29 11/09/17
As rutas incluídas nesta modalidade identificaranse a través dun distintivo de ‘Bus compartido’ que deberán portar os vehículos nun lugar visible
- ”Eu vou ao cole. E ti?”, pregunta o neno con curiosidade.
- “Eu ao dentista”, respóndelle a veciña maior que colle o bus en Olveiroa para ir ata Cee.
Escenas coma estas viviranse ao longo de luns 11 de setembro, no que arrincou un novo curso para máis de 7.500 alumnos de Ed. Infantil e Primaria en todos os Concellos da Costa da Morte. E a gran novidade será que pequenos e veciños poderán compartir os mesmos autobuses.
Unha medida, a do Transporte Escolar Compartido que permitirá rendibilizar e facer un pouco máis accesibe o denostado servizo de transporte colectivo en todo o país. Fai a Xunta neste 2017 unha aposta semellante á que iniciaba o Bipartito en 2007, pero que foi desbotada polo goberno do PP. Agora, baixo a premisa de que “non queremos nin autobuses sin xente nin xentes sen autobuses”, lévase a cabo esta remodelación.
Entre outras cousas, o Plan inclúe que sempre haia unha parada de bus a menos de 500m da casa de cada alumnos, que sexa de balde para os escolares (cun prezo de 1,40€ para os viaxeiros), que todos conten cun monitor e coa colaboración da Garda Civil para que se cumpran todos os requisitos.
A Xunta que as empresas titulares das liñas deberán publicitar os horarios dos servizos para que a poboación coñeza as novas posibilidades de mobilidade. Pero despois de pasar arredor dun mes sen os horarios oficiais dos servizos non compartidos por parte de Arriva, parece que a esixencia irá con calma.
Número de alumnos matriculados por Concello na Costa da Morte
Concello | Titularidade | Concerto | Alumnos de Educación Especial | Alumnos de Educación infantil | Alumnos de Ed. Primaria |
Cabana | Público | - | 0 | 56 | 119 |
Carballo | Privado | Concertado | 0 | 71 | 150 |
Carballo | Público | - | 0 | 710 | 1477 |
Coristanco | Público | - | 0 | 133 | 354 |
Laxe | Público | - | 0 | 42 | 133 |
Malpica | Público | - | 0 | 62 | 175 |
Ponteceso | Público | - | 0 | 107 | 200 |
Cee | Privado | Concertado | 0 | 71 | 179 |
Cee | Público | - | 0 | 104 | 322 |
Corcubión | Público | - | 0 | 31 | 62 |
Dumbría | Público | - | 0 | 24 | 54 |
Fisterra | Privado | Concertado | 0 | 30 | 73 |
Fisterra | Público | - | 0 | 40 | 111 |
Muxía | Público | - | 3 | 73 | 159 |
Carnota | Público | - | 1 | 45 | 118 |
Muros | Público | - | 0 | 152 | 319 |
Camariñas | Público | - | 0 | 102 | 256 |
Vimianzo | Público | - | 0 | 119 | 202 |
Zas | Público | - | 0 | 76 | 175 |
Mazaricos | Público | - | 0 | 64 | 129 |
Santa Comba | Privado | Concertado | 0 | 21 | 60 |
Santa Comba | Público | - | 1 | 163 | 330 |
TOTAIS = 7458 | 5 | 2296 | 5157 |
Novas relacionadas
- 06-09-17: Arriva publica por fin na rede os horarios dos autobuses da Costa da Morte.
- 14-08-17: A falta de información entorpece o servizo de autobuses da Costa da Morte.
- Xuño 2017: Arriva faise coas liñas de Autocares Vázquez na Costa da Morte
- Marzo 2017: Os veciños de Camariñas esixen conexións do transporte colectivo con Cee, Coruña e Santiago
- Outubro 2016: Arriva compra Aucasa e volve á Costa da Morte
- Setembro 2016: Os veciños de Camariñas recollen firmas para esixir os servizos de transporte público.
- Febreiro 2016: A Xunta esíxelle a Autos Vázquez que repoña os servizos de transporte suprimidos
- Xaneiro 2016: Bergantiños únese contra a falta de cumprimento dos horarios de autobuses
- Outubro 2015: A Xunta promete un transporte público “a demanda” para o 2016
- Outubro 2015: A Xunta garantiza o restablecemento de todos os servizos de transporte público
- Outubro 2015: QPC unifica os Horarios de Autobuses de toda a Costa da Morte.
- Decembro 2007: Un ano de carencias no transporte da bisbarra.
Fonte
- Redacción de QPC ([email protected]).