Domingo. 23.01.2022
El tiempo

Reda Natura e Parques Eólicos son incompatibles

Carlos Penedo Casmartiño, membro da plataforma pola defensa do Monte As Salgueiras, volve por QPC para lanzar outro SOS polo patrimonio natural costeiro.
Rede Natura en Perigo
Reda Natura e Parques Eólicos son incompatibles

A Rede Natura en Galicia é o espazo da vergoña. É con diferencia a peor planificación do estado, nen tan siquera se pode chamar plan aproveitamento.

Os plans de aproveitamento son a ferramenta que asegura a conservación de cada espazo protexido. O obxectivo é, ademais de dar seguridade xurídica, manter en estado de conservación favorable os hábitats e as especies.

Se un pon o foco sobre as actividades que permite a Xunta, mesmo nas zonas catalogadas coma sensibles, atopamos proxectos como: instalacións para a produción de enerxía, cultivos forestais, explotacións de acuicultura, dragados, desmontes ou actividades extractivas poden autorizarse en toda a Rede Natura de Galiza.

As Directrices da Rede Natura en Galiza non sirven para nada porque non se aplican. É verdade que, en Galicia non existe política de conservación, a Rede Natura galega é un auténtico desastre.

Despois do anteriormente dito imos a casos concretos: a Repotenciación do parque eólico de Come, coa Rede Natura está presente. O desbrozo do territorio é descomunal, con mención especial a tres puntos: Pozo da Lagoa, petróglifos e mirador da Ghurita; o Tordeiro (cos primeiros fríos achégase dende as Illas Británicas, o Tordeiro, paxaro moi vinculado ao promontorio de Corme).

Seguindo a mesma vergoña, imos ao monte Salgueiras, que vai soufrir a posible instalación dun parque eólico. Unha zona que llinda en Rede Natura co monte Branco, esteiro do Anllóns, praia de Balarés, Cantís do Canteiro e Brañas de Gondomil.

As autoridades da Xunta e dos Concellos estan para cumplir as leis e non sumarse a este vergoñento estado da Rede Natura en Galiza.

Mentres xa son máis de 80 as entidades que asinan o Manifesto Aldeas con Horizonte.

  • Carlos Penedo Casmartiño, membro da plataforma pola defensa do Monte As Salgueiras.

Novas sobre os eólicos

comentarios