Sábado. 24.08.2019
El tiempo

FERROATLÁNTICA

Os traballadores de Ferroatlántica enfróntanse ao ERTE co Comité absolutamente quebrado

Días convulsos para os traballadores das fábricas de Ferroatlántica de Brens e Dumbría. Co ERTE estatal sobre a mesa, e aínda coa incertidume de saber canto afecta ás fábricas da comarca, os traballadores vén como os seus propios representantes protagonizan un soado enfrontamento. Esta pasada mañá de mércores os membros do Comité de Empresa celebraban unha reunión, na que as posicións quedaban absolutamente encontradas.

Alfonso Mouzo no centro voceiro da CIG de Ferroatlantica-Foto_Rafa Quintans
Alfonso Mouzo no centro voceiro da CIG de Ferroatlantica-Foto_Rafa Quintans
Os traballadores de Ferroatlántica enfróntanse ao ERTE co Comité absolutamente quebrado

Se ben non conseguimos falar co presidente do Comité, Santiago Paz, dende a CIG lamentan que a situación, a pesar de ser as fábricas máis produtivas da península, é grave. “Levamos sendo a “joya da corona”, a fábrica que mellor rendibilidade, que máis xeraba, que máis producía, gracias á vinculación ás centrais, e agora pasamos a primeira fábrica que vai sufrir o ERE? Como se entende iso?”.

Así fala Alfonso Mouzo, representante da CIG, o único sindicato que queda “vivo” no Comité de Empresa, despois de que os 3 representantes de UGT escollidos nas eleccións internas saísen do seu grupo, quedando como independientes, mentres que os 4 de CCOO cambiaron de sindicato. Unha situación que deixa á CIG como única forza sindical (a dirección só recoñece aqueles representantes que foron escollidos democraticamente baixo unhas mesmas siglas) con representación na mesa de negociación á que están convocados o vindeiro luns.

ERE ilegal. Negociación ilegal

Mentres a parte maioritaria do Comité (eses 7 representantes ex de UGT e ex de CCOO) deciden cal é a súa postura, a CIG non sabe aínda se vai presentarse na reunión, porque considera que podería lexitimar unha negociación que para eles é ilegal, pois debería realizarse en cada centro de traballo.

”O Comité presentou unha reunión cos traballadores pero non tiñan posición tomada. Nós témolo clarísimo: o ERE non se negocia, nin aquí nin en Madrid, porque é ilexítimo e ilegal”. Iso si, non saben aínda a conveniencia de ir a Madrid á mesa negociadora. ”Teremos nova reunión cos servizos xurídicos, e decidiremos se iremos ou non, en función dos intereses para a comarca. Se a negociación en común é ilñegal, o ERE tamén, porque non hai ningunha xustificación, non hai perdas, somos perfectamente rendibles, e ademais está a vinculación dos postos de traballo coa concesión das centrais hidroeléctricas. Así que se alguén ten que ir a un ERE que vaian indo eles diante”, sinala referíndose ás outras fábricas que están afectadas e convocadas para a reunión do luns.

Pero precisamente, por iso teñen medo dende Cee. “Ao ERE ao mellor só nos cae a nós, porque UGT, maioritario a nivel estatal, e totalmente vendido á dirección, podería chegar a pactar que o ERE só nos centros da Costa da Morte, onde non ten representación sindical. Está claro que os de Madrid, Santander e demais van negociar para que o ERE non lles afecte a eles e nos afecte máis a nós”.

Lembran que “somos o centro máis castigado, o único centro que non medrou dende o 92 que chegou Villar Mir. En Sabón fixeron un forno, aquí se prometeu no ano 99 a creación do forno 23 e aínda seguimos esperando… mesmo se achatarrou un forno e non o repuxeron”, lamenta.

”Esta xente é unha vendida”

”Xa nos cansamos de tapar a esta xente. Esta xente é unha vendida”. Así de crú falaba onte á saída da reunión co resto de membros do Comité o voceiro da CIG. “Está falando en nome dos traballadores ou en nome do Comité de Empresa? Aínda falaron onte con López Madrid e lle preguntaron por primeira vez polo manganeso que marchou hai xusto un mes cara Francia? Están de coña?”.

Dende a CIG considera que seguen as directrices da dirección. “A Dirección de Empresa pide que non se faga moito follón, porque xa houbo máis EREs na historia da planta e aí segue en pé. Pero que pasa? Xa non se acordan dos que agora están na casa?”

Pregúntanse dende a CIG, por outra banda, cando foron esas 3 reunións co PP que asegurou ter o candidato Antonio Domínguez, “por que a nós non nos invitaron e nin sequera nos informaron. Se están enviando e acordando cousas en nome do Comité, polo menos terán que informar, porque nos están usurpando o poder negociador que nos corresponde”, denuncia.

Máis novas do conflito #Ferroatlántica

Comentarios