Un cuarto da poboación da Costa da Morte vive fóra
![](/asset/thumbnail,992,558,center,center/media/quepasanacosta/images/2011/12/02/Detalle-do-Monumento-ao-emigrante-de-Vimianzo.jpg)
![Detalle do Monumento ao emigrante de Vimianzo](/media/quepasanacosta/images/2011/12/02/Detalle-do-Monumento-ao-emigrante-de-Vimianzo.jpg)
Hai aproximadamente un ano facíamos unha valoración da poboación emigrante da Costa da Morte, apuntando que unha de cada catro persoas da zona vivía fóra. Pois a situación segue a ser semellante, e o problema da emigración segue a ser un dos máis importantes da zona. A crise, non axuda.
A falta de postos de traballo fai que milleiros de persoas teñan que marchar. E sobre todo a xente nova, a máis preparada, algo que perxudica seriamente o desenvolvemento da zona. Se a Costa da Morte queda nas mans da vella garda, a evolución levará eternamente "o ritmo caribeño da Costa" que fai que a día de hoxe sexamos unha das comarcas máis atrasadas e envellecidas de todo estado.
Malia que o voto emigrante non foi tan importante (a pesar das arducias de algún político da zona) e só 33.000 votos foron emitidos por correo en toda Galicia, facemos un repaso á poboación censada e á que vive fora dos concellos da bisbarra.
Concello nativo | Vive no Concello | Vive no estranxeiro | Vive en Galicia | Vive en España | TOTAL |
Cabana | 3873 | 164 | 815 | 57 | 4909 |
Camariñas | 4907 | 459 | 757 | 193 | 6226 |
Carnota | 3930 | 199 | 667 | 108 | 4904 |
Cee | 4601 | 518 | 2386 | 313 | 7818 |
Corcubión | 913 | 116 | 676 | 98 | 1803 |
Dumbría | 2840 | 219 | 603 | 43 | 3705 |
Fisterra | 4083 | 193 | 588 | 131 | 4995 |
Laxe | 2303 | 222 | 840 | 52 | 3417 |
Malpica | 4729 | 295 | 1165 | 79 | 6178 |
Mazaricos | 4168 | 152 | 480 | 54 | 4854 |
Muros | 7970 | 253 | 1272 | 209 | 9704 |
Muxía | 4286 | 295 | 773 | 69 | 5423 |
Ponteceso | 4651 | 192 | 1286 | 86 | 6215 |
Vimianzo | 6070 | 545 | 1429 | 132 | 8128 |
Zas | 4096 | 252 | 901 | 46 | 5395 |
TOTAL | 63.420 | -- | -- | -- | 83.404 |
Porcentaxe de xente que vive do seu Concello nativo
Concello | % que vive fóra do Concello | |
Cabana | 22 | |
Camariñas | 21 | |
Carnota | 20 | |
Cee | 41 | |
Corcubión | 50 | |
Dumbría | 23 | |
Fisterra | 19 | |
Laxe | 33 | |
Malpica | 23 | |
Mazaricos | 14 | |
Muros | 18 | |
Muxía | 21 | |
Ponteceso | 25 | |
Vimianzo | 25 | |
Zas | 24 | |
MEDIA Costa da Morte | 25% |
Facendo unha pequena análise dos datos vemos claramente que 1 de cada 4 habitantes nados nos concellos da Costa da Morte viven fóra a día de hoxe. Iso si, a meirande parte vive na mesma provincia, segundo se pode comprobar dos datos do INE, pero o resto de Galicia e España son destinos obrigatorios para milleiros de veciños, máis de 20.000 nos concellos que tratamos.
Sagrantes son os casos de Cee e Corcubión, aparentemente dos máis desenvoltos da bisbarra, e que superan ronda ao 50%, unha cifra realmente preocupante . E sen embargo, as zonas máis rurais, como Mazaricos ou Fisterra, non chegan ao 20% de emigrantes.
Novas relacionadas
- 26-11-10: Unha de cada catro persoas da Costa da Morte vive fóra.
- Cando naceu o nome da Costa da Morte.
Artigos relacionados
- De Carnota a Astoria, con Manuel Vilar.
- Lonxe de Montevideo: “La Juvenil” de Bos Aires e “Casa Cruz” de Baio.
- Dona Diáspora busca traballo en Montevideo.
- Os mesmos sentimentos emigrantes en Bos Aires.
Fonte
- Redacción de QPC ([email protected]).
- Datos do INE (03-02-2011).