A Deputación da Coruña, a través do Plan Único, destina este ano un total de 963.506,26 euros para reducir a débeda dos concellos da comarca de Bergantiños e a Costa da Morte con entidades financeiras. Camariñas, Cee, Cerceda, Coristanco, Fisterra, Laxe, Ponteceso e Vimianzo foron os oito concellos da zona que este ano solicitaron parte dos fondos do novo plan provincial para sanear as súas economías. O Plan Único, dotado con 74 millóns de euros, que supoñen o maior orzamento nun plan na historia da Deputación, integra nunha soa convocatoria anual programas coma o POS, o PAS e o PAI e 11 liñas de subvencións, e ten coma un dos seus obxectivos estratéxicos completar o saneamento das economías dos 93 municipios coruñeses nun prazo de dous anos, segundo afirmou o presidente da Deputación, Valentín González Formoso. En total, as axudas concedidas pola Deputación nos últimos dous anos para que os concellos da zona de Bergantiños e a Costa da Morte amorticen a súa débeda ascenden a 3.276.189,06 millóns de euros. “Nestes dous anos, estamos apreciando a utilidade dos distintos instrumentos que facilita a Deputación para que os concellos reduzan ao mínimo as súas débedas. O Plan Único continuará nesa senda e esperamos que ao final do mandato todos os municipios coruñeses conten cunha situación financeira que lles permita prestar máis e mellores servizos á cidadanía”, afirmou o presidente provincial. Estas axudas consisten en préstamos sen xuros e con ata catro anos de carencia, que os concellos poden devolver nun prazo de dez anos. Ao ter que devolver só o importe principal e contar cun longo prazo de devolución, supón un instrumento útil para que os municipios amorticen as súas débedas sen ter que pagar xuros ás entidades financeiras. Entre as medidas destinadas a mellorar a situación financeira dos concellos coruñeses, o Plan Único incorpora tamén axudas para reducir a débeda dos concellos coas empresas subministradoras e reducir o período medio de pago a provedores. As bases do plan establecen a obriga de pagar aquelas facturas que excedan en máis de 90 días os prazos de pago que establece a lexislación vixente. Un total de 24 concellos da provincia destinarán parte dos recursos que reciben a través do Plan Único a facer fronte aos pagos a provedores, por un importe total de 3.085.899,71 euros. Na comarca de Bergantiños, os concellos que solicitaron fondos para este fin foron Cabana de Bergantiños (6.602,06), Camariñas (14.353,46), Coristanco (695.542,23), Fisterra (78.834,57), A Laracha (1.601,52), Laxe (295.259,40) e Ponteceso (479.779,11).

CONCELLO	PAI 2015-2016	REDUCIÓN DÉBEDA
CABANA DE BERGANTIÑOS	0
CAMARIÑAS	116.019,01	46.773,19
CARBALLO	74.604,06
CEE	253.148,15	43.647,38
CERCEDA	83.895,13	15.469,36
CORCUBIÓN	36.077,51
CORISTANCO	570.144,36	284.841,10
DUMBRÍA	0
FISTERRA	145.791,39	120.444,22
A LARACHA	81.467,26
LAXE	262.339,06	120.915,76
MALPICA	79.475,36
MUXÍA	0
PONTECESO	458.743,36	227.887,35
VIMIANZO	150.978,15	103.527,90
ZAS	0
TOTAL	2.312.682,8	963.506,26	3.276.189,06

  Novas relacionadas

• Muros recibirá 753.000 euros do Plan Único da Deputación da Coruña
• O Plan Único da Deputación, público a golpe de click
• Xosé Regueira: “O que estamos facendo na Deputación é revolucionario”.
• O Plan Único da Deputación dota de máis autonomía aos Concellos.

Fonte

• Redacción QPC ([email protected])
• Deputación da Coruña