Da importancia de achegar á prensa especializada á Costa da Morte son conscientes dende a Asociación de Profesionais do Sector Turístico da Costa da Morte (APTCM). E para iso traballaron nesta "Fam Press", un xeito e achegar a xornalistas especializados en viaxes e gastronomía de distintos medios de comunicación para publiquen crónicas positivas sobre á nosa zona.

Así, os días 8, 9, 10 e 11 de febreiro un grupo de periodistas asistirán ao FamPress organizado por APTCM en colaboración coa Deputación da Coruña e a Revista Hostelería Galega e Turismo.
Os 8 periodistas que participan nesta iniciativa terán a posibilidade de coñecer algúns dos principais recursos turísticos do noso territorio como o Castro de Borneiro, o Forno do Forte, o Castelo de Vimianzo, o Santuario da Virxe da Barca ou o Faro de Fisterra. Pero ademais, tamén poderán comprobar o altísimo nivel da nosa gastronomía e calidade dos establecementos hostaleiros.

E resulta moi positivo ver como a Costa responde a estes incentivos. De feito, a acollida da iniciativa entre os profesionais da Costa da Morte superou todas as expectativas. Un gran número de empresas tanto de restauración, aloxamento como inclusive de turismo activo puxeron a disposición de APTCM, de xeito gratuíto, as súas instalacións e os seus medios para acoller, da mellor forma posible, a este grupo de periodistas.

A vangarda xornalística

Os profesionais invitados son:

• Paz Ivison. Madrid. Seleccionada polas revistas "Joyce" e "CQ". Redactora da pioneira "Club de Gourmets". E un dos nomes claves do xornalismo gastronómico e de viaxes en España. Premio Nacional de Gastronomía e "Eva".
• Mario Hernández. Canarias. Páxina dominical no Diario de Las Palmas, entre outros medios, cidade na que preside a Asociación da Prensa. Premio Nacional de Gastronomía. Experto e titulado en xestión de empresas e actividades turísticas. Autor de varios libros e investigador alimentario, e a primeira autoridad xornalística en cociñas orientais.
• Mikel Zeberio. País Vasco-Navarro. Seccións semanais en "Deia", e Diario de Noticias de Álava, Guipúzcoa, Navarra e A Rioxa, e outros medios do estado. Foi cociñeiro profesional, queixeiro, director da revista de viaxes "Viandar" e da guía de viños do mesmo nome, e mantense como experto asesor e promotor de proxectos de promoción turístico-gastronómica, como a Semana de Galicia na ONU, en colaboración con HG&T.
• Tayo Acuña. Madrid-Cantabria. Colaboradora da revista "Viajar" (grupo Z), a que está vencellada actualmente despois de acreditadas foto-reportaxes noutros medios, como o os do grupo Gourmets- Gourmetour.
• Susana Gómez. Canal Cocina. Presentadora e reportera para esta prestixiada canle temática sen fronteiras. Ven acompañada de persoal de grabación.
• José Augusto Moreira. Porto. Xornalista do diario e responsable do suplemento semanal de enogastronomía e viaxes do "Público", o máis influente no norte. Un dos divulgadores gastro- turísticos lusos de maior prestixio e coñecedor da cultura e recursos compartidos con Galicia.
• André de Quiroga. Lisboa. Influente comunicador e asesor en políticas gubernamentais, especializado en alimentación e turismo, e no impulso da modernización da cociña pública lisboeta. Colabora e asesora varios medios sectoriais, entre eles "Vida Económica", o 'salmón' de maior difusión en Portugal.

Novas relacionadas

• Fitur volve coñecer varias Costas da Morte.
• APTCM crea iniciativas en tempada baixa.
• A APTCM cifra a ocupación media nun 40% ao longo de 2010.

Fonte

• Nota de prensa da APTCM.