A #AxendaCostaDaMorte de outubro comeza cargada de música e espectáculos

12:06 02/10/15

A primeira fin de semana do mes de outubro estará marcada pola entrada de cheo no outono, climatolóxicamente falando, e pola diversidade de actividades que se ofertan en varias vilas da Costa da Morte. Así entre hoxe e o domingo as citas estarán cargadas de música tradicional, teatro e verbeneo. E para que o tempo non colla a ninguén desprevido repasamos as previsións de 4gotas.com. As nubes chegarán hoxe deixando durante a mañá algún orballo na comarca de Bergantiños e no interior da Costa da Morte. Haberá un descenso nas temperaturas con respecto ás rexistradas onte e o mércores, con máximas de 19-20 grados. Xa pola tarde chegarán nubes dende o Atlántico ata a metade sur da bisbarra que serán un adianto do que pasará o resto da fin de semana. Estas nubes chegan procedentes dunha borrasca situada sobre o arquipélago dos Azores e que, en función da posición que tome, pode que mañá sábado traia algunhas choivas estando xa confirmadas para o domingo. Ainda así, as probabilidades indican que mañá o ceo estará cuberto na metade sur da Costa da Morte con máis claros na zona norte, cubríndose nese litoral tamén na tardiña. As choivas faranse ver pola tarde entre Muros e Fisterra e o domingo xeneralizaranse en toda a bisbarra. O domingo será un día gris, con choivas intensas e persistentes e vento forte do sur durante a mañá. Polo que a xornada dominical será marcará o tránsito ao outono (case inverno) despois dos últimos días con temperaturas propiamente estivais durante as horas centrais do día.

I Muiñada en Vimianzo

Así que o chuvasqueiro e a roupa de abrigo será necesaria para a primeira Muiñada que terá lugar mañá sábado en Vimianzo. A festa está organizada pola asociación Cherinkas coa que se pretende darlle vida á zona da Agra, lugar no que recentemente se restaurou un muíño. As actividades comezan ás cinco da tarde co espectáculo de teatro musical”Merenda con pan de millo” e que está dirixido aos máis pequenos. Visitas etnográficas, demostracións xogos populares,… darán paso a unha noite de música da man do grupo A Roda, De Vacas, Sebastião Antunes e a Quadrilha. E para o remate, unha liga galega Gaiteira. Polo que a foliada está asegurada ata altas horas da madrugada.

O FIOT trasládase á rúa

O FIOT trasládase aos locais de Carballo con distintos espectáculos durante toda a fin de semana dentro do progarma Rúa Dos Contos. As citas comezan esta noite, ás 21 horas no mesón A Cabaña onde Antón Coucheiro estreará o seu espectáculo cómico “Múltiple”. Hora e media despois, ás 22:30 horas, Paula Carballeira falará dos “Contos que non me contaron” na cafetería Colón. E xa na medianoite, ás 00.00 hotas, a cervexaría A Boa Estrella o ferrolán Pepo Suevos leva ata aquí o seu “Humor Salvaxe”. O mes da Fundación Manuel Gago, doutor en ciencias da Información da universidade de Santiago de Compostela, é o encargado de inaugurar o programa educativo-cultural “O Mes da Fundación. Outubro 2015″ que organiza por terceiro ano a Fundación Fernando Blanco de Lema de Cee xuntos coa Deputación da Coruña e establecementos da vial. Así, ás 20 horas de hoxe dará na casa da Cultura de Cee a conferencia “Os centinelas do mar: fortificacións en altura na Costa da Morte”. Ese mesmo día na librería LER de Cee haberá un curso de CazaMonstruos con Ronny Saabueso no que os participantes conseguirán o seu título de investigador e un diploma que o acredite. Día das Aves Esta primeira fin de semana tamén haberá na Costa da Morte actividades dirixidas aos amantes da natureza. Concretamente, o domingo, coincidindo co día das mundial Aves o ornitólogo José Luis Rabuñal será o encargado de guiar unha observación de aves na praia de Urixeira, en Neaño (Cabana de Bergantiños). A cita será entre as 10 e as 12 horas. Muxía Mañá sábado, María Lado e Lucia Aldao presentarán ás 20 horas na bibliteca municipal de Muxía o espectáculo “Con dez poemas por barba” Esta actividade dirixida ao público adulto e a mocidade maior de 14 anos englóbase dentro da programación subvencionada pola Xunta mediante o programa Ler Conta Moito. Verbenas E neste primeira fin de semana de outubro continúan as verbenas nalgunhas vilas da Bisbarra.

Na Aldeao do Couto terán tres días de festa para honrar ó Sacramento (sábado, domingo e luns).
Festas en Oza: venres (Combo Dominicano e a disco movil Factory) e sábado (dúo Charada).
Festas de Arou (Camariñas): Sábado (frupo Imperio, orquesta Alianza e a disco movil Traffic)

Sesión vermú en Cee Este Domingo 4, comeza as sesións vermouts no Woodstock bar. Sobre a 13h. dará comezo o show dos “Alan Acoustic Project”, unha banda da casa.