Que facer esta fin de semana na #CostadaMorte? A #axenda desta fin de semana chega cargada de plans para todos os públicos. Teatro, Muiñada en Vimianzo, conferencia nas Torres do Allo,... son algunhas das citas que invitan a aparcar a pereza típica do tempo outonal e a sacarlle o máximo proveito a estes días de descanso. Pero antes imos co Parte costeiro que nos manda en exclusiva cada venres 4gotas.com Esta fin de semana, teremos un pouco de todo. Será moi propia do outono, Ophelia abriu a porta ao outono galego. O venres agardamos o paso dunha fronte fría no final do día, que deixará bastante auga na tarde, pero antes notaremos con certa intensidade o vento do sur (refachos duns 80km/h), ceos moi grises con chuvias febles na costa oeste e no interior (máis despexados en sen chuvia no norte) e xa digo, sobre as 7-8 da tarde teremos 2 horas de chuvia intensa. Trala fronte o sábado será un día fresco con máximas que no interior non superarán os 15-16ºC e na costa quedarán nos 17-18. Vento moderado do oeste e bastantes momentos de claros e sol misturados con chuvias, especialmente ata o mediodía (na tarde apenas haberá 1-2 momentos de chuvia moi pasaxeira, como moito). O domingo cálmase o vento e malia que ainda será do sur-suroeste e amencerá con nubes, acabará predominando o sol e haberá 1-2 graos máis ca o sábado. MOI atentos ao mar durante o sábado xa que acadará os 7 metros de altura como podedes ver no noso prognóstico de 4gotas.com.  

Fiot

• A compañía madrileña Buxman e Kamikaze P. interpretan esta noite en Carballo a obra "Todo el tiempo del mundo", sendo así a primeira vez que se representa en Galicia. A cita comeza ás 21 horas no Pazo da Cultura e o custe da entrada é de 12€.
• Tamén será a 1ª vez que se representa na comunidade "Arte", a obra de Kamikaze Producciones. A representación terá lugar mañá ás 20:30 horas no Pazo da Cultura e o custe da entrada é de 12 euros.
• Microteatro. Esta fin de semana haberá dúas novas sesións de Microteatro no Fiot. "Non hai que ser unha casa para ter pantasmas", de Prácido Domingo, representarase mañá sábado ás 13, 13:30, 19 e 19:30 honas na praza do concello. E Tukumpas Teatro estreará "Amor de pé" na Zapataría Mariño. As citas son mañá ás 18:30, 19, 19:30 e 20 horas.
• O domingo volve a programación do Fiot ao auditorio do Pazo da Cultura coa obra "Slips Inside" da compañía belga Okidok. A función comeza ás 20:30 horas e o custe da entrada é de 8 euros.

Teatro

• Monicreques no Retablo dos Fantoches de Malpica. Fantástica recuperación histórica das Misións Pedagóxicas en Malpica, con teatro e magosto popular para a tarde do sábado.
• RíXallas. Esta noite chega ao seu fin o 3º ciclo de monólogos RíXallas organizado polo concello de Santa Comba. Isabel Risco, Pedro Brandariz e Fran Rei traen o seu espectáculo "Falar sen cancelas" ao edificio Multiusos a partir das 22 horas.
• Muros. O auditorio do centro cultural de Muros acolle mañá o espectáculo "Nacidas libres", de Contraproduccións. A función comeza ás 21:30 horas.
• Outono Rebuldeiro en Vimianzo. Os máis pequenos teñen unha cita na casa da Cultura de Vimianzo para ver o unha versión máis actual do conto "Tres porquiños e o lobo feroz" da compañía Teatro del Andamio. A cita comeza ás 18:30 horas e a entrada é de balde.
• Teatro en Zas. O grupo "Sen Tempo Teatro" presenta mañá ás 21:30 horas no auditorio de Zas a obra "Unha de romanos". A entrada é de balde.

Monografías no Allo

• Maña sábado terá lugar a segunda das conferencias que se enmarcan dentro do ciclo "Monografías do Allo" artellado polo departamento de Cultura do concello de Zas. O catedrático de Bioloxía e Xeoloxía - Xosé A. Fraga Vázquez - disertará sobre “A actividade científica do naturalista Víctor López Seoane, señor do pazo das Torres do Allo na fin do século XIX”. A cita comeza ás 17 horas e a entrada é de balde.

III Muiñada en Vimianzo

• Vimianzo revive mañá sábado algunhas das tradicións da cultura galega no marco da III Muiñada. Haberá teatro, cantos de taberna, mercado retro e eco, exposición de fotografías, visita guiada, debullada, obradoiros, foliada e un gran concerto. Todo a partir das 12 horas na contorna do Muíño da Agra.

Outras citas

• Charla Arqueolóxica en Laxe. No marco do Outubro Arqueolóxico do programa Reláxese, o Museo do Mar acolle a charla de Xosé María Lema na tarde do sábado, na que falará sobre Os Penedos de Traba e Pasarela,
• Corcubión. A casa da Cultura de Corcubión acolle hoxe, ás 18:30 horas, un espectáculo de contacontos a cargo de “Trinke Trinke Teatro”. A cita está dirixida ao público maior de 3 anos de idade e a entrada é de balde.
• En Cee continúan coa programación do Mes da Fundación, artellada pola Fundación Fernando Blanco. Mañá, ás 19 horas terá lugar no IES unha ofrenda floral e unha misa na honra de Fernando Blanco de Lema. E un pouco máis, tarde, ás 20:30 horas, Carlos Spuch Calva ofrece unha conferencia na casa da Cultura sobre "Como afecta a nosa alimentación ao desenvolvemento do cerebro".
• Andaina polo Camiño dos Faros. A AD Abellariza de Ponteceso organiza para este domingo unha andaina entre Niñóns e Corme; un percorrido que forma parte da 2ª etapa do O Camiño dos Faros. O número de participantes está limitado a 100 persoas e hoxe, ás 12 horas, péchase o prazo para anotarse.
• Cea-baile en Baio. O café-restaurante Montreux organiza unha cea baile para mañá sábado. O prezo da comida amenizada polo dúo SonLatino é de 20€ por persoa.

Exposicións

• Castelo de Vimianzo. A fortaleza así como a súa mostra de artesanía ao vivo pódese visitar martes a domingo de 10:30 a 14 e de 16 a 19 horas. Visitas guiadas gratuítas: sábado e domingo ás 12 e ás 19 horas.
• Conxunto etnográfico do Mosquetín. O conxunto de muíños e batáns do Mosquetín abre as súas portas todos os días da semana dende as 11 horas ata ás 18 horas. Os sábados e os domingos hai visita guiada ás 13 e ás 18 horas.
• As Torres do Allo, en Zas, abre sábados e domingos e festivos  (de 11 a 19 horas). Ademais, o pazo acolle unha mostra de pezas de Olería de Buño e ofrece visitas guiadas gratuitas ás 13 e ás 17 horas.
• No dolmen de Dombate ofrécense visitas guiadas todos os días de 10:30 a 14 e de 16 a 18:30 horas.
• A galería turística Stoupa de Cee acolle durante o mes de outubro unha mostra cos traballos artísticos de Nando Lestón. A exposición pode verse de luns a sábado en horario de 12 a 14 horas e de 18 a 21 horas.

Fonte

• Redacción QPC ([email protected])