A biblioteca municipal Rego da Balsa de Carballo arrinca cunha completa programación cultural o mes de xuño que ademais chega marcado polas festas por excelencia da vila: o #SanXoán. O programa arranca esta tarde, ás 20 horas, co concerto de Emma Tricca & Jason McNiff. Considerada como unha das voces máis interesantes do folk inglés do momento, a artista acode a Carballo en formato dúo acústico xunto co cantautor escocés Jason McNiff. Na súa proposta atópanse reminiscencias de Joni Mitchell, Joan Baez, Judy Collins ou June Tabor. Mañá venres, a cita está dirixida aos amantes da literatura xa que Manuel Iglesias Turnes presenta a súa obra “Que non te aten” coa axuda de Encarna Otero. O autor regresa con este potente relato da vida interior dunha aldea do noso tempo, dende a ollada das persoas novas que apostaron por construír alí as súas vidas. O evento comezará ás 20 horas. Xa o sábado, 4 de xuño, ás 20:30 horas chegará ao seu fin o festival Cucurruncho Pop da man de Rafael Berrío e Luis Rivera. Ese mesmo día, pero ás 11:30 horas, oos máis pequenos serán os protagonistas de "A Biblio conta". No que as bibliotecarias contarán dúas historias moi naturais, unha delas será a de “Wangari y los árboles de la paz”, un conto para pensar e aprender a respectar o medio ambiente. Esta cita será con entrada libre e destinada a nenos e nenas de entre 3 a 8 anos. Novas relacionadas

• Carballo contrata o reacondicionamento das instalacións da biblioteca Rego da Balsa
• A biblioteca Rego da Balsa acolle dúas novas presentacións
• A biblioteca Rego da Balsa xa ten o seu “curruncho pop”
• Chicharrón estrea mañá en Carballo o seu segundo disco “Postal”
• Catro artistas da Costa da Morte expoñen as súas obras en Carballo
• Vinte venres para cargar a batería cultural
• Manolo Rivas, contacontos, faladoiros e documentais enchen de actividade a biblioteca Rego da Balsa
• A biblioteca Rego da Balsa celebra o seu primeiro aniversario
• #ABiblioPréstame.
• O edificio dos 100 actos.
• Bergantiños á vangarda tecnolóxica galega.

Fonte

• Redacción QPC ([email protected])
• Biblioteca Rego da Balsa