Venres. 20.05.2022
El tiempo

A música enche a última #AxendaCostadaMorte de novembro

A música enche a última #AxendaCostadaMorte de novembro
Axenda Costa da Morte 27novembro A música (e as campañas comerciais do Black Friday de Vimianzo, Cee e Santa Comba) son as principais protagonistas da #AxendaCostadaMorte) desta fin de semana. Mais antes de meternos de cheo en todas as actividades que hai programadas en distintos puntos da bisbarra dámoslle un repaso ao parte metereolóxico de 4gotas.com.
"A fin de semana non será tan invernal coma a pasada. Hoxe o día amencerá sen chuvia, con máis claros que nubes ao sur de Fisterra pero a medida que avance a xornada irán aumentando as nubes. Na tarde orballará e na noite choverá. Mañá sábado, achégase outro anticiclón a Galicia que deixará bastantes nubes entre Muxía e Malpica (máis despexado ao sur de Fisterra) e unha baixada de temperaturas. Polo que a xornada será algo máis fresca ca de hoxe. O domingo subirán un as temperaturas, non choverá e alternarán as nubes e os claros durante toda a xornada".
Semana Gandeira

Mención aparte merece a Semana Gandeira de Mazaricos, cunha fin de semana chea de sabor rural, concursos, exposicións, subasta...

  Concertos
  • Foliada Solidaria en Baio: Os alumnos e alumnas da asignatura “Artes escénicas e xestión cultural” do IES Maximino Romero de Lema de Baio organizan un festival benéfico que terá lugar mañá no pavillón da vila, onde todo o recadado será doado a Médicos Sen Fronteiras (organización que está traballando activamente para axudar aos protagonistas desta dura realidade). Os grupos convidados son Taghaitaí, Do fondo do petoTaín. Todo isto estará fiado polo coñecido artista Xurxo Souto, que encherá a tarde de emocións e reflexións. As actividades comezarán ás 19:00 horas coa proxección do documental de Cristina Antuña “Quiero irme a casa” e a peza de microteatro en directo ás 19:30 horas “Awlad: Infancia e Guerra” de Nadia Hariri e Lía Pichel. O concerto comezará ás 20:00h e o bono axuda será de 5 euros. Ao finalizar, sobre as 22:00h, dará comezo unha foliada aberta, guiada polo grupo de gaitas do centro “Vintenbaio”, á que todos e todas estarán convidados a bailar, tocar e cantar por un mundo con máis cultura e menos guerras.
  • Remata o  Novembro musiqueiro en Vimianzo. E faráo da man de Guadi Galego que presenta o seu último traballo; “Lúas de Outubro e Agosto”. A Casa da Cultura vimiancesa encheráse a partir das 21 horas de fermosas cancións cargadas de emoción e sentimentos.
  • En Carballo terá lugar mañá o tradicional Concerto de santa Cecilia que organiza a Coral Polifónica de Bergantiños, na que esta agrupación conmemora a festividade da patroa dos músicos convocando a corais doutros concellos para este evento. Este ano participará como grupo convidado a Sociedad Coral Polifónica El Eco da Coruña que acompañará á anfitrioa, a Coral Polifónica de Bergantiños á que se sumará o Coro de Voces Brancas de Carballo. Os dous concertos de música coral terán lugar ás 21.00 horas. Xa o domingo a compañía "Teatro Lírico de Madame Spaguettinni"ofrece o espectáculo "Érase unha vez... A Ópera". Esta obra músico teatral para toda a familia, comeza ás 18 horas.
  • No CunkaCafé da Ponte do Porto actuará este sábado o dúo “Carta de ajuste”, que deleitarán con cancións versionadas dos 80-90.
Teatro e cine
  • Hoxe continúa en Malpica a XI Mostra de Teatro coa representación de “As fillas bravas” de Chévere Produccións. Tres mulleres tocan e cantan o que lles peta como antes fixeron a súa nai e a nai da súa nai, porque todas son fillas do vento, mulleres de andar a pé do toxo, orgullosas de vir de tras da silveira, cantoras dunha estirpe de voces furtivas que berran entre raposos. A obra, que comeza ás 20:30 horas, está dirixida a todos os públicos.
  • Ponteceso dálle mañá a despedida XXII Ciclo de Teatro coa obra “Mil Primaveras” De Talía Teatro. A cita é ás 22:30 horas no edificio das Escolas.
  • Tamén o sábado, a casa de Cultura de Cee convertiráse nunha sala de cine na que se proxectará a película “Oz, un mundo de fantasía”. A sesión comeza ás 18 horas.
Sendeirismo
  • Senda Nova remata o domingo o seu progama "4º outono en marcha"  coa ruta das Férvedas ao seu paso polo concello de Carballo. A camiñata, de dificultade media, é de 15 quilómetros de distancai.
Magosto
  • Mañá sábado a casa da Cultura da Pereiriña, de Cee, acolle un magosto popular con música, callos e castañas que comeza ás 18:30 horas.
Fonte  

comentarios