Argumentos para o Parque Natural Monte Pindo
Interesante, non podía ser doutro xeito dada a implicación e preparación dos poñentes, o III Simposium Monte Pindo. Personalidades como Mar Llinares García, Xoán Ramón Vidal Romaní e Martiño Fiz López Lindoso, tomaron a palabra neste foro de debate armado pola Asociación Monte Pindo Parque Natural co claro obxectivo de colleitar argumentos para que a cidadanía se decate dos beneficios de devandita catalogación.
A Confraría de pescadores de Lira acollía esta xornada de reflexión, na que investigadores e arqueólogos afondaron sobre as claras razóns para conservar a paraxe natural, e sobre os benedicios que traería á bisbarra.
Despois da presentación falou Martiño-Fiz López, membro da Adega e da directiva da asociación organizadora, e foi o que máis afondou sobre as distintas figuras de protección no medio ambiente galego, e os beneficios socio-económicos que conlevaría.
Un dos grandes coñecedores do medio, Xoán Ramón Vidal Romaní, xeólogo e director do Instituto Universitario Parga Pondal, falou da microfauna das covas do Monte Pindo, outra das peculiaridades do Olimpo Celta.
En clave arqueolóxica falou Antón Malde Fernández, relacionando directamente a Torre dos Mouros e o Castro de Mallou co Monte Pindo. Malde coñece ben o terreo, pois foi director arqueolóxico dos dous proxectos civís.
E finalmente, Mar Llinares, carnotá e profesora de Prehistoria da USC, tirou de Historia e lendas no Olimpo Celta, cun rato para soñar.
Novas relacionadas
- II Simposium Monte Pindo: Por que temos que coidar o Monte Pindo?.
- I Simposium Monte Pindo: Atopan restos dunha ermida milenaria no Monte Pindo.
- O Encontro do Monte Pindo xa espera polo seu Trail.
- Monte Pindo Parque Natural ameaza con levar á Xunta ante a lei por non informar.
