A ule a festa na Costa da Morte. A piques de comezar a tempada estival son moitas as parroquias da bisbarra as que esta fin de semana celebran as súas festas a ritmo de alboradas, misas e verbeneo. Ademais, o tempo (outro dos factores de maior importancia nas festas) mudará ao longo da fin de semana deixando atrás as choivas e as temperaturas baixas. Iso é que se desprende do particular parte costeiro de  4gotas.com Hoxe xa irán a menos as chuvias a medida que avance a mañá malia que continuarán as temperaturas frescas destes días. Quedará algún orballo na noite nos arredores de Malpica e moita néboa nos puntos do interior na madrugada do sábado. A medida que avance o día de mañá levantaranse esas néboas e tamén as nubes de Bergantiños. De Fisterra a Muros xa predominará o sol desde primeira hora da mañá. As temperaturas comezarán a subir nese litoral o sábado, con máximas de 20-22ºC, aínda suaves, pero xa máis agradables cas destes días. O domingo seguirá o sol, agás polas néboas matinais do interior e polas nubes da mañá entre Muxía e Malpica. As temperaturas continuarán subindo con máximas xa máis estivais, próximas aos 25ºC en Muros e nos 22-23 en Fisterra, Cee, Corcubión e Carnota. Na tarde, tanto de sábado como de domingo haberá vento norte ao sur de Fisterra, mais un bo paraventos permitirá desfrutar da praia - principalmente o domingo -. Festas

• Malpica vivirá esta fin de semana unha das súas grandes festas: as de santo Hadrián. A troula xa comeza esta noite coa verbena a cargo das orquestas Nueva Fuerza e Fania Blanco Show. Os pasarrúas comezarán a soar a partir das 11 horas de mañá sábado e da sesión vermú encargarase o Dúo Calú. A verbena do sábado estará amenizada polas orquestas New York e Metrópolis. O Tren da Unha encargarase de pechar a festa o domingo, día grande con misas na capela dende as 7:30 horas da mañá.
• San Adrián de Toba (Cee). Con troula "comarea" chegan as esperadas festas da parroquia ceense de Toba. Tras a actuación de onte á notie da París de Noia e da Garibaldi a festa continúa hoxe con misas, pasarrúas e verbena coa orquesta Essencia e coa disco móbil CDC.
• A orquesta Panorama chegará esta noite a Suxo (Muxía) para celebrar as festas do Pilar. Mañá continúa a festa con Alaska e Armonía Show, e o domingo máis sesión vermú coa Alaska.
• No lugar de Fontecada (Santa Comba) festaxarán esta fin de semana o San Antonio coa Factory Discoteca Móbil e coa orquesta Caramelo.
• En San Adrián de Castro - en Zas - tamén pasarán a fin de semana a ritmo de orquesta para honrar ao seu patrón. Mañá, da sesión vermú encargaráse o dúo Diamante que estarán tamén na verbena acompañados da orquesta Ciclón e da disco móbil CDC. E o domingo o dúo Fusión Latina animará a sesión vermú.

Música e baile tradicional

• I FoUliada en Mazaricos e XII festival da Muiñeira. A partir das cinco da tarde de mañá, o campo da Romaxe da Picota vibrará coa música e co baile tradicional. Ata alí despranzanse unha boa cantidade de agrupacións chegadas dende ditintos puntos da provincia para pasar unha tarde (e parte da noite) a ritmo de muiñeira.
• Nove agrupacións de toda a comunidade participan este sábado no I concurso de baile tradicional organizado pola asociación cultural Nemeth. O certame comeza ás 17 horas e será na praza do concello de Carballo.
• A asociación cultural Adro de Baio clausura este domingo - a partir das 18 horas - a súa escola de música e baile tradicional. A cita serán no pavillón da vila.

Sendeirismo

• As Andainas Coñecendo a Costa da Morte pechan a edición deste ano cun percorrido ao longo do río Anllóns, ao seu paso por Ponteceso. A cita é mañá a partir das 10 horas.
• DAFIT e SurfCostadaMorte únense para armar a II Ruta San Xoán; un pack completo este domingo con andaina, bautismo de surf e kaiak, acompañado de churrasco. A saída é dende Lires ás 20 horas. É preciso anotarse no 627869951 ou no 620719896

Outras citas

• Carballo vibrará hoxe co Rockin': Sex Museum, Tachenko e Los Bengala serán as bandas que se subirán ao escenario do Rego da Balsa. Ao igual que nas anteriores edicións, a entrada é gratuita.
• Santa Comba convertirase esta fin de semana na capital da meditación e da vida contemplativa co do Festival Nacional de Ioga de Santa Comba-Shanti ON. Haberá sesións de Yoga, de Meditación, de Terapia, charlas e expositores sobre Medicina Natural e Alimentación Enerxética e tamén haberá Concertos, showcookings, Danzas como a capoeira… A cita será no edifio multiusos da vila xalleira e a entrada é de balde.
• A casa da Cultura de Vimianzo acolle hoxe, ás 22 horas, a presentación da novela Que non te aten, de Manuel Iglesias Turnes.
• X.H. Rivadulla Corcón presenta mañá sábado, ás 19;30 horas na biblioteca municipal de Muxía, o seu libro Moraime, pequena vila con mar.
• Encontro de Corais en na igrexa nova de Baio. A partir das 21 horas dará comezo a catorce edición da cita artellada pola AMC Pepe Valiña e na que participarán o Coro Xoven da ESMU Pepe Valiña de Baio, a Coral Casa do Mar da Coruña, a Coral Fonte do Souto de Culleredo e a Coral Xan Mella de Baio, como non.
• O blues invadirá este domingo o Etel&pan de Fisterra (situado na praza da Constitución) durante a hora do vermú. Diso encargarase Javi Turnes & Emilio King Bee.

Fonte

• Redacción QPC ([email protected]).