Axenda espectacular da fin de semana de San Pedro na #CostadaMorte

Cultura Festas

13:00 28/06/13

Cada semana nos superamos na Axenda Costa da Morte. Esta última fin de semana de xuño, que coincide co San Pedro, temos festas a barrer, teatro, monólogos, concertos, rutas de sendeirismo, feiras gastronómicas, xornadas mariñeiras, foliadas, romarías, presentacións de libros... Un sinfín de cousas que imos repasando.

E comezamos polo apartado de Festas, que neste San Pedro son as protagonistas. Comezando polas Festas de San Pedro de Muros, e seguindo polas Festas de San Pedro da Redonda, as Festas de San Pedro da Ponte do Porto, as Festas de San Pedro de Buxantes, as a href="http://antigo.quepasanacosta.gal/axendacostadamorte/?page_id=2&id=2309">Festas de San Pedro de Berdoias, ademais das Festas de Cundíns, e as Festas de Corcoesto.

Continuamos a golpe de romarías, e o facemos por Baio, pola dominical Festa da Carballeira. Tamén en Carballo terán unha cita impresionante coa Festa do Bosque, ademais das dúas noites de verbenas carballesas de venres e sábado e a noite de concertos do domingo. E que podemos dicir da V Festa d'Arxa de Cerqueda, que ademais servirá para pechalo curso da Raigañas.

Teremos tamén citas gastronómicas, coa Feira do Pan e do Pemento de Ponteceso.

Unha das máis citas máis salientables e completas da fin de semana serán as Xornadas de Pesca "Pindo Mariño", que conxugan festa, gastronomía, sendeirismo e cultura para todos os públicos. Entre as citas terá presentación da Antoloxía Poética do Monte Pindo e unha boa subida ao Olimpo Celta.

En clave de natureza, teremos tamén un par de citas co sendeirismo polos nosos tesouros: o sábado Andaina polos Penedos de Traba e Pasarela e o domingo 5ª etapa do Camiño dos Faros pola impresionante ruta de Arou a Camariñas.

Non queda aí a cousa, teremos tamén un monólogo en Cee a golpe de venres; o Festival de fin de curso da Escola de Música de Baio. E como non, as citas teatreiras vimiancesas, que serven ademais para pechar 6 meses de programación continua no Concello de Vimianzo. Serán doble sesión, o sábado coa Escola de Música de Vimianzo e o domingo coa Escola de Teatro local, completando unha fin de semana que abrirá a tarde do venres coa inauguración da Exposición Municipal de arte e Palillo.