A calor do lume presentou Senda Nova a 5º edición do programa de Inverno Ancestral. Serán 20 actividades relacionadas co patrimonio inmaterial (de aí o simbolismo do lume) a realizar entre os meses de decembro, xaneiro e febreiro.

Son estas sesións de presentación de programas xa auténticas citas de recuperación cultural. A desta fin de semana foi a típica sesión na lareira para contar historias. Uníronse a Plataforma en Defensa de Monte Neme, o Centro Galego das artes da Imaxe ou o Concello de Carballo, que tamén axudan neste programa.

Documentais e narracións en primeira persoa son as actividades principais, pero a visita do Apalpador non falta.

Xoves de filmes

9 xoves do inverno terán parada no Espazo de Natureza de Oza (ás 19:00h) para disfrutar de documentais galegos relacionados ca terra. A aldea, o bosque, o cabalo, as lendas, loitas sociais… Filmes de onte e de hoxe que compre ter visto.

Historias de inverno

5 sesións de naraccións viaxando dende Sofán ata Chechenia, pasando por Corme, Tordoia ou Asturies. Persoeis como Natalia Petrova, ou José Mallo contarán as súas historias.

Novas relacionadas

• Senda Nova percorre as Terras do Marqués.
• A Escola Ambiental de Senda Nova xa achega a natureza máis cercana a 25 rapaces de Bergantiños.
• A marcha da Via Alcaianus de Senda Nova dá conta da seca<7a>.

• Senda Nova.