O éxito das visitas teatralizadas á Casa do Pozo deixan a porta aberta á chegada de grupos baixo demanda
08:16 29/03/18
Visita teatralizada na Casa do Pozo
Preto dun centenar de persoas puideron gozar estes 26, 27 e 28 de marzo das “Pegadas na Terra do Xallas”, as visitas teatralizadas levadas a cabo na Casa do Pozo polos alumn@s Obradoiro de Emprego Proturismo2017. Unha actividade turística que pretende amosar o contido do Museo Terra do Xallas dende unha óptica diferente, combinando humor e historia, para poñer en valor e visibilizar os recursos e a historia da vila xaleira.
Os alumnos, caracterizados de diferentes épocas, reencarnaron dende os fundadores da Casa do Pozo até o párroco Don Joaquín, que relataron en primeira persoa as vivencias propias da súa época.
Alumnos do Obradoiro Prototurismo moi caracterizados
Fantástico o traballo de dinamización xalleira do Obradoiro, pois ademais de poñer a funcionar a oficina de turismo, recuperan o valor patrimonial do Pazo con estas visitas, que poden servir de exemplo sobre como se recuperan estes pazos.
De feito, despois da boa acollida por parte do público, o Obradoiro de Emprego contempla realizar de novo estas visitas a grupos baixo petición. Para este fin facilitan o número de teléfono 663202251 e o enderezo electrónico [email protected].
Moi traballada a posta en escena das visitas teatralizadas na Casa do Pozo
Novas relacionadas
- As visitas teatralizadas dan máis vida para o Museo de Santa Comba.
- Santa Comba ten novo punto de información turística da man do Obradoiro de Emprego:
- Os membros do Obradoiro de Emprego Proturismo acondicionan os xardíns e as zonas verdes de Santa Comba.
- Ada González comparte co Obradoiro de Emprego turístico a importancia das Oficinas de Turismo.
- O alumnado dos obradoiros de emprego Proturismo2017 saen á rúa.
Fonte
- Redacción de QPC ([email protected]).