Que se Semana do Libro, que se Contos de Taberna, que se webseries… ferve culturalmente Carballo. E hoxe coñecemos o programa Primavera de Cine, unha primavera patrocinada, en todo caso.

I é que a proposta é achegar os Cines Bergantiños á veciñanza. Así, Concello, a produtora galega que se fixo cos cines “Galicine” e a Deputación lanzan unha campaña.

Deste xeito, entre o 30 de abril e o 30 de xuño e presentando un ticket de compra de calquera comercio de Carballo ou de calquera dos supermercados Gadis da Costa da Morte (Cee, Camariñas, Vimianzo, Baio, Carballo e A Laracha) os interesados e interesadas poden conseguir as súas entradas para os Multicines Bergantiños de Carballo a un prezo de 4,90 euros.

Se ben a Warner desmárcase desta clase de campañas e non permite que as súas películas acepten rebaixas, os que si que se volcan son os comercios de Carballo.

Novas relacionadas

• 2.500 cativos carballeses cociñará contos da Semana do Libro no Pazo da Cultura.
• Carballo prepara os seus Contos de Taberna.
• As mellores webseries de España, premiadas no Carballo Interplay.
• 20 carballeses pasan de alumnos a artistas de gravado.

Fonte

• Concello de Carballo.