Luns. 09.12.2019
El tiempo

Os muros de pintura carballeses exténdense a Pontevedra

Os muros de pintura carballeses exténdense a Pontevedra
Os concelleiros Milagros Lantes e Xosé Regueira acompañaron aos técnicos pontevedreses durante a súa visita Os concelleiros Milagros Lantes e Xosé Regueira acompañaron aos técnicos pontevedreses durante a súa visita A iniciativa carballesa de "derrubar muros con pintura" comeza a extenderse máis alá da Costa da Morte. Así, representantes do concello de Pontevedra visitaron esta semana Carballo para coñecer o proxecto "Derrubando muros con pintura" de intervención nos espazos urbanos que puxo en marcha a administración local para mellorar as medianeiras e os espazos públicos do casco urbano de Carballo.   Os concelleiros de Pontevedra Luís Bará, Carmen Fouces e Alberto Oubiña percorreron o casco urbano de Carballo acompañados pola concelleira de Planificación e Mobilidade Urbana, Milagros Lantes; e polo de Promoción Económica e Turismo, Xosé Regueira, que lles foron amosando os logros e explicando os procedementos para conseguir o resultado acadado en Carballo. Os representantes de Pontevedra interesáronse pola actividade desenvolvida na vila como exemplo dunha intervención realizada con éxito coñecida en todo o estado, e mesmo internacionalmente.   Derrubando muros con pintura naceu hai máis de dous anos para curar con creatividade as feridas urbanísticas que, ao igual que en tantas vilas galegas, deixou o crecemento urbano de partir dos anos 60. A través da arte urbana está a converter a capital bergantiñá nun auténtico museo ao aire libre. A primeiros de xuño de 2015 a iniciativa culminou na celebración do Rexenera Fest, un festival de arte urbana que uniu a un coidado elenco formado por 5 artistas de distintas nacións, que interviron en cinco paredes de grande formato esparexidas polo casco urbano. Rexeneráronse espazos deteriorados, achegando valor engadido á paisaxe urbanística, dinamizando o tránsito peonil e expandindo os espazos de lecer nas zonas dos murais.

Comentarios