"O metodo Grönholm", de Talía Teatro, convírtese neste 2013 na terceira produción galega con maior número de finalistas aos Premios María Casares. Uns galardóns que outorga Asociación de Actores e Actrices de Galicia (que, por certo, ten presi costeiro) e que supoñen o gran escaparate do Teatro galego. Esta pasada noite do 27 de febreiro a entidade fixo públicos os nomeados na VI Festa dos Nomeados, á que asistiron uns 150 profesionais, pero teremos que agardar ata o 27 de marzo para saber con cantos galardóns queda Talía. Ese día será a gala XVII Premios María Casares, a gran festa da escena galega.

A compañía da Costa da Morte opta ao premio en 5 categorías (Xulio Lago pola "Mellor Iluminación" e "Mellor Dirección"; Artur Trillo polo "Mellor Adaptación-Tradución" e polo "Mellor Actor Principal" e Suso Montero pola "Mellor Escenografía"). Pero terá grandes competidores como son a obra Viaxe a ningunha parte de Sarabela Teatro, con 10 nomeamentos, e Tokio 3, de Voadora, que aspira a 9 galardóns, entre eles tamén o de dirección e espectáculo.

O Mellor Actor Principal ten pinta de costeiro

Se no 2009 os dous mellores actores secundarios foron da Costa, este ano todos cruzamos os dedos con que o premio ao Mellor Actor Principal quede na Costa da Morte. I é que ademais de Artur Trillo temos finalistas dous veciños máis da zona, como son o cormelán Víctor Mosqueira, por "Románticos", de Producións Teatrais Excéntricas, e mais o esteirán Xosé Manuel Olveira "Pico", por "Kafka e a boneca viaxeira", de Eme2 emoción&arte.

Esperando pola gala

Así un total de 28 montaxes escénicas e 239 profesionais do sector presentaron as súas candidaturas aos galardóns do teatro galego, dos que 17 espectáculos convértíronse en finalistas dos XVII Premios María Casares de Teatro. Así, a gran festa da escena galega celebrarase o próximo 27 de marzo, coincidindo co Día Mundial do Teatro, na Coruña.

Máis información

• Todos os nomeados en aaag.es.
• Galería Mulleres: Coñecendo a María Casares.

Novas relacionadas

• Entrevista de traballo con Talía Teatro.
• Toño Casais, novo Presidente da Asociación de Actores e Actrices de Galicia.
• María Casares 2012: Talía Teatro e Vicente de Souza traen dous novos premios á Costa duns María Casares máis reivindicativos ca nunca.
• María Casares 2011: Os dous mellores actores secundarios de Galicia son da Costa.
• María Casares 2010: Talía Teatro leva 2 premios nos María Casares.
• María Casares 2009: Os mellores actores de Galicia son da Costa.

Máis novas

• A Mostra de Teatro de Cee baixa a persiana aos seus 25 anos.
• Cociñando O método Grönholm.
• Pouca, pero escollida, presencia costeira entre os nomeados para os Mestre Mateo 2013.
• 4 actores da Costa da Morte invanden a gran pantalla cunha Personal Movie.

Fonte

• Redacción de QPC ([email protected]).