Para nós, que tanto valoramos o traballo da Clínica Argos coa iniciativa Salvacadelos, parécenos esta, unha grandísima idea. Un grupo de xente de Carballo, con inquietudes pola situación dos animais na vila, e en particular polo único organismo que se preocupa polo benestar dos animais, a Asociación Amigos de los Perros de Carballo, veñen de decidir organizar o vindeiro sábado 18 de marzo un concerto solidario para recadar cartos para axudar á referida asociación.

O concerto celebrarase a partir das 22:00h na Sala Dublín de Carballo, no que participarán de maneira desinteresada os grupos Perfusión (percusión e danza tradicional africana), Crú (metal), Apart (indie-rock) e Kostra da Morte (punk).

Todos os cartos recadados mediante venda de entradas será integramente para a Asociación Amigos de los Perros, así mesmo, durante o concerto membros da Asociación darán a coñecer aos asistentes cales son os labores que realizan, cales son as súas eivas e en que podemos axudar a cidadanía.

Novas relacionadas

• Salvacadelos segue medrando.

Fonte

• Redacción de QPC ([email protected]).