Un exposición case cententaria
Antonia Villaverde Pumar, Doña Antoñita, ten 94 anos pero a súa forza permítelle aínda realizar accións como a que protagonizou esta fin de semana. Antonia presidiu a inauguración da súa exposición "Restrospectiva”, que recolle 30 dos seus óleos, realizados en diferentes momentos da súa longa carreira.
Carballesa de nacemento, trasladouse de moi nova á Coruña coa súa familia e logo á Arxentina. Pero volveu para estudar na Escola de Artes e Oficios. Recordou os seus tempos en Londres, ao seu pai e os tempos nos que aproveitou a súa calidade artística para levalo ao mundo empresarial, pois durante anos decoraba azulexos que se vendían por toda España.
A súa interesante mostra pode visitarse do 13 de novembro ao 7 de decembro na sala de exposicións do andar -1 do Pazo da Cultura no horario habitual de 17.00 a 21.00 horas.
