Unha xalleira, estrella do Carballo Interplay

Unha xalleira, estrella do Carballo Interplay

08:56 16/04/18

Laura Pose, a primeira pola dereita, na primeira foto o Interplay

Entre os premiados do prestixioso Festival de Contidos Dixitais Carballo Interplay, celebrado a comezos de mes, cómpre salientar o papel dunha mza xalleira. Laura Pose, xunto cos seus compañeiros Nuria Cancela, Alba Pego, Aitor Ramos e Elisa Sánchez obtiveron o 1° Premio ao mellor proxecto de webserie en galego, dotado con 1.500 euros para a produción dos tres primeiros capítulos, de "Sígueme”.

A webserie premiada creada por estas estudantes da USC, foi unha das catro finalistas, xunto con "Premios Darwin", "Cativos na cociña" e "Áureas, unha historia dos anos 20".

"Sígueme" é unha intriga psicolóxica con reminiscencias de Mindhunter, na que a protagonista Elisa Sánchez Sedes dará vida a unha moza psicóloga expulsada da universidade ao facer un estudo que critica á psicoloxía convencional. A xove limpiadora nun centro de psicoloxía, ó ser expulsada da universidade, decide continuar clandestinamente o seu estudo coas persoas que acuden a ese centro, sin decirllo. Nese camiño chegará a incitar a loucura deses individuos para poder comprobar o traballo que empezara.

Teremos que agardar á edición do ano que vén para descubrir os tres primeiros capítulos de “Sígueme”.