O Soneira celebrando o ascenso en Pedra Queimada A Clínica de Fisioterapia Vértebra e a Podóloga Alicia Novás, de Baio, patrocinan a 1ª Autonómica. Pincha e coñéceas en www.vertebrabaio.com Histórico o primeiro título da 1ª Autonómica da historia para este Soneira que volve á Preferente tras dous anos na 1ª. Necesitaba un punto en Pedra Queimada, e conseguiu os 3, demostrando a confianza que o fútbol da Costa ten depositada neste fermoso grupo de xente da casa, como sinalaba Guillermo Parga na crónica do ascenso. A xornade deixaba tamén un tristeiro derbi da zona baixa, marcado pola premura dos arrastres; e unha fazaña heroica dos homes do Sofán, que vencían nun final de cine ao Unión en Rianxo e se achegan á Promoción de Ascenso.

Malpica - Soneira (1-2)

A SD Soneira Campión T.15-16-Foto-Luis Porto

• Malpica: Víctor; Alejandro Marquez, Alberto Marquez, Lolo, (Casais, m.46), Roi Carril; Carlos Mallo, (M. Mara, m.56), Eloi Vilas, Migueliño, Jaco; (Eme, m.81), Cololo e Petís.
• Soneira: Anxo; Figueroa, (Brais Mouzo, m.59), Maikel, (Fran de Urroa, m.71), Jota, Aarón, Sandelo, (Óscar, m.82), De la Sierra, Richi, (Mayor, m.61), Basti, Javi, (Nazo, m.66) e Vía Rápida.
• Goles: 0-1, m.32: en propia meta de Roi Carril ao remtar un centro de Richi; 0-2, m.42: Basti a pase de Vía Rápida; 1-2, m.47: Colo de penalti sobre Petís.

Eloi Vilas e De la Sierra cos colexiados-Foto-Luis Porto Malpica irmandiña A mellor entrada da tempada en Pedra Queimada deuse pola presencia dos seguidores da marea irmandiña. O partido foi de claro dominio soneirán, ante un Malpica que non se achegou á meta de Anxo en toda a primeira metade, e na que o Soneira desenvolveu un xogo formidable, o que o leva estar aí arriba, campión con dúas xornadas de marxe. Os Basti, Richi, Javi e Vía fixeron moito dano durante os 90 minutos. O Malpica intentou remontar na segunda metade, pero a diferencia que hai na táboa tamén se notou no campo. Así o celebraron os soneiráns: [fbvideo link="https://www.facebook.com/FutboldaCosta/videos/959018914216766/" width="660" height="660" onlyvideo="1"] O Soneira celebrando o ascnso-Foto-Mca Cuns Alvite  

Piloño - Outes (1-0)

• Outes: Rama, Borja, Simón, Maroñas, Pose, Chía (Pablo, m.81), Jura, Martín, Kim (Iago, m.76), Piki e Jorge (Veleiro, m.46).
• Gol: 1-0, m.38.

Pendente do partido aprazado Necesitará o Outes a vitoria o vindeiro venres no partido aprazado a semana pasada ante o Agolada. I é que o cadro da Serra complicouse algo a vida por mor dos arrastres e con esta derrota. En todo caso, foi un partido moi igualado, onde o áis xusto tería sido o empate. Deicidiu o gol de Pouso, e o cadro visitante fallou un claro man a man de Jura que pegou no porteiro. Achuchou no treito final o cadro da Serra pero sen definir.

Unión - Sofán (1-2)

11 do Sofán en Rianxo-Foto_SD

• Sofán: David, Sito, Adrián, Rubén, Félix, Felipe, Brais (Xuco, m.91), Iván Rey, Luís (Javi Souto, m.84), Raúl (Alex Pri, m.89) e Javi Doldán (Seo, m.78).
• Goles 0-1, m.69: Raúl de penalti; 1-1, m.93: Mauro de penalti; 1-2, m.97: Alex Pri nunha contra.

Heroica Marea do Sofán en Rianxo Menuda fazaña a conseguida polos rapaces de Josito ante un grande como o Unión de Asados. Un final de infarto deparou unha desas alegrías inesquecibles que achegan, e moito, ao cadro carballés á Promoción de Ascenso á Preferente, un fito histórico para o club. A cousa comezaba ben, cun desprazamento masivo de siareiros roxiños ata Rianxo. Arrincaba a partida de xadrez, na que ningún quería cometer un só erro. Choque moi táctico, espeso, cunhas defensas moi serias. Adrián e Raúl tiveron as mellores ocasións. Na segunda, unha necesitada Unión estirouse e a SD tivo que recuar, sobre todo despois do gol de Raúl, que provocaba e transformaba un penalti. Sofán ante o Union-FotoSD Parecía que o partido quedaría así, coa vitoria sofanista. Pero o guión cambiou radicalmente e dun final tranquilo, pasamos a un final de cine. Apareceu de novo o colexiado, sinalando un dubidoso penalti no min.93, que daba a igualada aos locais. O Unión seguía empurrando, pero xa con 7 sobre o tempo regulamentario, unha contr perfecta cunha condución de 40 metros de Iván Rey, que cedía para que Adrián rematase e Alex Pri remachase a gol. Delirio na bancada, que invadía o campo ao remate do partido para sacar a hombreiros aos seus xogadores despois da auténtica proeza. Quedou encantado Félix Garrote na súa volta despois de 2 meses lesionado, con esta espectacular afección: [fbvideo link="https://www.facebook.com/david.insuavillar/videos/1266186200076117/" width="660" height="400" onlyvideo="1"] Este e o resumo:  

Baio - Corme (1-0)

Baio-Corme-Foto-Fin Lema Baio-Corme-Foto-Fin Lema

• Baio: Pablo, Fachal, Mario, Porto, Yago, Peke, Rubio, Moreno (Norberto, m.59), Saleta (Martín, m.75), Christian e Luisito.
• Corme: Jose, Brais (Alejandro, m.80), Pandi, Jesús, Diego, Juan Chans (Manu Bermúdez, m.75), Eloy, Sergio (Alejo, m.65), Adrian Doldán, Toniño e Lucas.
• Gol: 1-0, m.53: Luisito.

Derbi limpo e tristeiro Partido do medo, sen dominador claro, que puido caer de calquera lado. Levou o cadro local o peso do partido ante un Corme que parece canso neste final de tempada, e sen visos de poder manter a categoría. O Baio tampouco o vai ter nada sinxelo, pois os arrastres provocarían tamén o descenso do cadro baiés hoxendía.</> Lucas, Chans e Toniño puñan detalles de bo fútbol, pero o partido era bastante soso, cunha ocasion clara por bando, un tiro o traveseiro do baiés Luisito e unha boa xogada de Toniño que tirou fóra por pouco. Na segunda o Baio foi pola vitoria e o gol chegou nun bo centro de Saleta que Luisito fusilou. O partido relaxouse e ningún dos dous foron demasiado incisivos. O mellor do partido, a deportividade entre os dous conxuntos e o xogo limpo.  

Novas relacionadas

• Crónica de Guillermo Parga do ascenso do Soneira: Nunca agardei menos de ti.
• Consternación costeira pola morte dun xogador do Muxía de 15 anos.
• Os arrastres provocarían a día de hoxe o descenso de Xallas, Baio, Corme, Buño, Ameixenda e Volantes.
• Noé e Geiko, os premios Zamora e Pichichi da 3ª da Costa.
• Rikísimo ascenso.
• O Laxe é novo equipo da 2ª Autonómica!.

Máis información

• Os cadros da Copa da Costa 2016.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.

Fonte

• Redacción de QPC ([email protected]).