Doble boa nova para as artes marciais costeiras. Por unha banda, o carnotán Sergio Caamaño proclamábase campión galego de Judo, e pola outra, o Clube Arte e Movemento presentaba a 12 deportistas no campionato Galego de Promesas de Taekwondo que se celebrou en Cangas o pasado sábado. E cunha boa colleita. A competición durou toda a xornada sabatina e o balance dificilmente puido ser mellor: 7 medallas, todas de bronce, para os nosos.

Os medallistas do clube da Costa foron:

• Gonzalo Martínez (Muxía).
• Patricia Túñez (Cee).
• Diana Touriñan (Muxía).
• Ismael Senande (Carnota).
• Brais Fernández (Carnota).
• Manuel Alonso (Cee).
• Marcos Rodríguez (Carnota).

O seu entrenador Juan Carlos Díaz quere destacar o papel que defenderon Brais Fernández e Ismael Senande, que eran os máis novos dos competidores de Arte e Movemento. Sendo este o seu primeiro ano na categoría cadete, ambos gañaron dous combates e foi no 3º combate de semifinais, onde ambos caeron. Pero está moi satisfeito cos bronces destes dous rapaces, que estan xa prometendo un futuro fantástico para o taekwondo Arte e Movemento.

Máis éxitos

Estas medallas únense á que a semana anterior gañaba Sergio Caamaño, o liracho que se proclamaba na Coruña campión galego.

Novas relacionadas

Fonte

• Arte e Movemento.