A Pipa: 4 protagonistas

A Pipa: 4 protagonistas

04:19 24/10/17

Imaxe do Cerqueda-Mazaricos-Foto-UDImaxe do Cerqueda-Mazaricos-Foto-UD

Imaxe do Cerqueda-Mazaricos-Foto-UD Xornada apaixonante nas catro categorías con participación de equipos da Costa, en especial na 2ª Autonómica, onde Mazaricos e Esteirana estiveron contra as cordas, pero liquidaron os seus compromisos cunha vitoria e un empate. En terceira, segue a boa liña do Cabana, líder incuestionable, e do Muros, na súa volta á competición costera. En 2ª Autonómica, o líder, Mazaricos, rendía visita a un Cerqueda disposto a infrinxir a primeira derrota da tempada aos amarelos, e durante moitos minutos o once preparado por Raúl Periscal tivo vantaxe no marcador, facendo xustiza ao seu bo xogo, pero nos minutos finais, a falta de 4, chegaría o tanto do triunfo visitante, que conta as súas actuacións por triunfos, afianzándose á fronte da clasificación. Cedeu a segunda praza da clasificación a Esteirana en Zas, onde o conxunto local mostrouse superior ao once azulgrana. Os locais gozaron de numerosas ocasións de gol, desperdiciadas polos seus atacantes e polo bo labor do gardamallas visitante e ao final, en dúas accións a balón parado, a último xa no tempo de desconto nun penalti, a Esteirana mantería a súa imbatibilidade de forma inmerecida. Non falla o Ponteceso, que segue o ronsel do Mazaricos, e cosechó un novo triunfo no seu terreo do Pinguel, nesta oportunidade ante un Camariñas que vendeu cara a súa derrota, pois o tanto que pechaba o marcador para os homes de Perico Pedreira chegaría no último minuto da contenda. Pese a adiantarse no marcador o Camariñas, os locais xa lle darían a volta ao marcador antes do descanso. Excelente triunfo do Montelouro en Cee, ante un conxunto local que cambiou de adestrador ao longo da pasada semana. Os pupilos de Oscar Leis gañaban por 0-2 aos 30 minutos, e aínda que Leo, unha vez máis, recortaba para o Unión, non serían capaces os locais de conseguir cando menos o empate ante un equipo ben plantado sobre o terreo de xogo. Partido moi igualado en Corme, entre o conxunto de José Angel e o Muxía de Adrián Lema, cun reparto de puntos que satisfixo máis aos visitantes que aos locais, pois estes gozaron do lanzamento dun penalti que non foron capaces de transformar, e quedan na sexta praza a dous puntos dos rojillos. Tampouco foi capaz de gañar o reforzado Lira en Carnota ante o Buño, nun encontro marcador pola temprana expulsión de Cartamil no locais, aos 14 minutos, pero malia adiantarse no marcador o once preparado por Dani Calvete, na segunda metade, e en inferioridad numérica, o Lira conseguiría o tanto do empate, que lles deixou contentos por como se desenvolveu a contenda. Volveu á senda do triunfo o Baiñas, moi superior ante un Malpica que segue sen saber o que é gañar un partido no que vai de competición. Os homes de Paco Oreiro xa vencían ao término dos primeiros corenta e cinco minutos por 3-0, refrendando o seu cómodo triunfo cun novo tanto na segunda metade, que deixa aos de Vimianzo na novena praza da clasificación. Partido incómodo para o Outes no seu terreo ante un Coristanco respondón, pero os blanquinegros colocáronse cun 2-0 no marcador que, pese a ser recortado polos xogadores dirixidos por Alberto Pensado, foi unha losa que non puideron levantar os visitantes, e que coloca ao Outes na quinta praza da clasificación. Na próxima xornada, o líder recibe no seu terreo a un crecido Buño, mentres que o Ponteceso visitará a un necesitado Coristanco. A Esteirana medirase no José Luís Vara ao Baiñas, que se atopa a tres puntos dos azulgrana, mentres que o cuarto clasificado, Muxía, recibirá no Novo Arliña ao Outes, quinto na táboa. O Cerqueda quere retornar á senda do triunfo, aínda que para iso terá que superar a un complicado Cee, do mesmo xeito que o Camariñas, que recibirá no Hermanas Patiño ao Sporting Zas. O Lira parte como favorito na súa visita ao farolillo vermello da táboa, Malpica, mentres que o Corme ten unha complicada saída ao terreo dun crecido Montelouro.

3ª Galega

Na 3ª Galega da Costa, o Cabana recupera o liderato da clasificación tralo seu importante triunfo no derbi ante o Nantón. Un gol aos 73 minutos de Dani Reigía deu ao traste coas ilusións do Nantón de sorprender ao seu rival do Concello, o que afasta ao Cabana en tres puntos do seu máximo rival. Segue o seu paso firme na competición o Muros, que, aínda sufrindo, foi capaz de superar a un Laxe que aspira a retornar á categoría perdida a pasada campaña. O 2-1 final para os celestes fai que sigan o ronsel do Cabana e mantéñanse invictos na competición, deixando fóra dos postos de promoción aos laxenses. Gran partido na Ponte do Porto, onde se enfrontaban dous dos aspirantes aos postos de ascenso e promoción, e non defraudó o encontro, onde os locais vencían por 3-1 a falta de sete minutos, pero os pulilos de Manolín sacaron forzas de onde non as había e conseguiron empatar a contenda no tramo final. Golpe sobre a mesa do Seaia ante un dos favoritos, Castriz, ao que derrotou por 1-0, deixando aos de Santa Comba fóra da zona de promoción e a cinco puntos do ascenso. O partido foi moi igualado e intenso, resolto cun único tanto local que fai que o Seaia empate a puntos na táboa cos rossoneri. Non puido saborear os meles do triunfo o Castrelo no seu terreo de xogo, sendo derrotado unha vez máis pola mínima, nesta oportunidade polo filial do Outes, que suma, deste xeito, a primeira vitoria da tempada e deixa aos homes dirixidos por Litos na última praza da clasificación. Un gol nos últimos minutos da contenda deu os tres puntos en xogo ao Volantes de Baños na súa visita a un Corcubión que se afasta perigosamente dos postos de promoción ou ascenso, pois xa está a cinco puntos da 6ª praza. Os de Muros, baixo a batuta de Sil, soben á 4ª posición, situándose a dous puntos do líder, Cabana. Na próxima xornada, gran partido en Cee, onde o Ameixenda recibirá a visita do Cabana, co liderato en xogo, e co Muros, que visitará a un moi necesitado Castriz, á espera do resultado para poder dar o salto á primeira praza da táboa. Partido grande en Muros, onde o Volantes recibirá a un Porteño que quere recortar distancias na táboa, mentres que o Laxe non pode fallar na visita do Castrelo. Oportunidade para o Corcubión B na súa visita ao mozo conxunto filial do Outes, mentres que o Camelle, que descansou nesta xornada, buscará os tres puntos no seu terreo ante a visita dun crecido Seaia. Nesta ocasión descansa o Nantón.

Preferente

Non foi excesivamente boa a xornada en Preferente, pois únicamente o Sofán foi capaz de sumar puntos en xogo, empatando nas Eiroas ante o Estudiantil a dous goles, logo de chegar ao descanso perdendo por 1-2, pero é que os da estrada, pese á súa frouxo inicio de campaña, son un dos equipos potentes da categoría, e os homes de Iván Cancela mantéñense na cuarta praza da clasificación xeral, a un punto do segundo e catro do líder, Paiosaco. Gran partido no Conco, onde os homes de Diego Lobelos enfrontáronse a un dos mellores equipos do grupo, o filial do Club Deportivo Lugo, Polvorín, vendendo moi cara a súa derrota e poñendo contra as cordo aos lucenses. Ao final, o 2-3 non fixo xustiza aos merecimientos dos locais, que puideron alcanzar o empate. Tampouco está tendo ningunha fortuna o Xallas, que viu como moi pronto se adiantaba no marcador un Arteixo que parece levantar cabeza tralo seu mal comezo de Liga, e o 0-2 dos roxibrancos, á hora do partido, deixaron moi tocado a un Xallas que, pese a todo, recortou no marcador, pero xa moi preto do final do choque, e viu como voaron os tres puntos da Fontenla, que deixa aos xalleiros na penúltima praza da táboa. Na próxima xornada, oportunidade para o Xallas na súa visita ao farolillo vermello, Boimorto, que vén de empatar no campo do poderoso As Pontes. O Dumbría visitará terras lucenses para medirse a un irregular Residencia do que lle separan tres puntos, mentres que o Sofán visitará o terreo do Polvorín, un dos candidatos ao ascenso e que vén de gañar no Conco.

1ª Galega

Dous triunfos, un empate e unha derrota foi a bagaxe dos equipos costeiros na xornada do pasado fin de semana, que deixa ao Soneira, que gañou por 1-2 en Rianxo ao Unión de Asados, a un punto de asaltar o liderato da clasificación. Os homes de Rafa sufriron moito e viron como o Unión lles empataba o choque, pero un minuto despois do tanto local chegaría a sentenza dos brancos, en liña ascendente. O outro triunfo da xornada sumouno o San Lorenzo de Verdillo, primeiro da competición, que foi capaz de gañar e convencer no terreo dun Silleda que se viu impotente para frear o bo xogo dos vernellos, e iso que o San Lorenzo quedaríase con 10 homes e 0-1 no marcador, pero a súa mellor organización sobre o terreo de xogo levaríalles a colleitar un 1-4 final, moi merecido para os pupilos de Oscar Suárez. O empate viviuse en Baio, onde o once local e o histórico Lalín ofreceron un partido tolo aos afeccionados, cun resultado dos de antes : 4-4. Ao descanso chegouse con 2-1 para o Baio, pero os segundos corenta e cinco minutos foron de auténtica tolemia goleadora, con vantaxes visitantes por 2-3 e 3-4, e empate do Baio, onde MC volveu mostrar a súa gran capacidade para conseguir gol, facendo un novo hat-trick. A derrota colleitouna o Fisterra en Chaián, onde perdeu por 4-1 ante un conxunto que non se estreou na competición, pero que aproveitou da páxara verde na segunda metade, tres chegarse ao descanso con 1-1 no marcador, e que deixa aos fisterráns a dous puntos da zona de descenso, agora ocupada polo Chaián, Tordoia e San Lorenzo. Na próxima xornada, o Baio renderá visita ao líder, Bastavales, mentres que o Soneira é favorito no Municipal de Vimianzo na visita do Chaián. A Fisterra chegará un dos históricos do fútbol galego, o Flavia de Padrón, sétimo clasificado, recibindo o San Lorenzo ao Unión nas Pedreiras, buscando facer bos os tres puntos de Silleda.

Manuel Corredoira, Entrenador UEFA PRO, Nacional Nivel 3 de Fútbol e Director Deportivo pola RFEF, formador da Escola Galega de Adestradores, actual coordinador das Escolas de Fútbol Base de Zas e Delegado da Federación Galega de Fútbol para a Costa.