Xoves. 28.03.2024
El tiempo

A Pipa: Analizando a recta final

A Pipa: Analizando a recta final
Imaxe do Baíñas-Cerqueda-Foto David Castro Imaxe do Baíñas-Cerqueda-Foto David Castro Xornada bastante aceptable en liñas xerais, en canto a resultados, para os representantes costeiros nas máximas categorías, pois tanto o Dumbría, en Preferente, como o Baio, en 1ª, lograron triunfos moi importantes de cara á súa loita pola permanencia. Pola súa banda, Fisterra e San Lorenzo, os primeiros de xeito inesperado por como se desenvolveu o encontro en Tordoia, perderon nos seus desprazamentos, e ven un tanto freadas as súas ilusións de permanencia.

2ª Galicia

Na 2ª Autonómica da Costa, paso case definitivo da Esteirana en pos do título de Liga. Os de Esteiro, con gran solvencia, sacaron adiante o complicado compromiso que tiñan en Camariñas, ante un conxunto inmerso na loita pola permanencia, pero os azulgrana non están dispostos a desaproveitar a oportunidade de proclamarse campións de Liga, retornando á 1ª Autonómica. O choque foi moi intenso, pero resolto cun tanto en cada tempo, aproveitando os líderes os erros na saída de balón dun Camariñas que ve moi complicada o seu permanencia na categoría. Máis problemas atopouse o Mazaricos no seu terreo de xogo ante o Outes, que se adiantou no marcador e mantivo o resultado ao seu favor durante a primeira hora de xogo, pero na segunda metade o Mazaricos foi capaz de darlle a volta ao marcador e sumar os tres puntos en xogo de cara a pelexar polo título, pendente dos erros que poida cometer a Esteirana, ou polo menos pola segunda praza do grupo, onde manterá unha forte loita co Corme e Baiñas. Precisamente o Corme lograba retornar á terceira praza do grupo co seu triunfo no derbi do Concello ante un Ponteceso que lles puxo as cousas moi difíciles e que chegou ao descanso con empate no marcador. O gol de Alejo, nada máis comezar a segunda metade, foi suficiente para que os pupilos de José Angel sumasen o triunfo, malia os intentos visitantes, cun home máis sobre o terreo de xogo pola expulsión de Sueiro, autor do 1-0 local. Non puido puntuar o Baiñas na súa saída a Xaviña, onde o Cerqueda, que viu como os verdes adiantábanse no marcador no primeiro minuto de xogo, con gol de Pablo Muiño, foron capaces de voltear o marcador empatando antes do descanso e conseguindo o tanto do triunfo a falta de vinte minutos. O final do encontro, para esquecer, con tres expulsados, un do Cerqueda e dous xogadores do Baiñas, e con todos máis pendentes do externo que de xogar. Pola parte de abaixo, importante triunfo do Cee no seu partido ante un Sporting Zas que se viu superado polo traballo e a entrega local, nun partido frouxo e moi igualado, resolto cun tanto nos primeiros minutos da reanudación e onde nin uns nin outros fixeron méritos para máis. Vitoria do que máis o necesitaba, e que coloca aos ceeses fóra do descenso directo, a un punto do Coristanco e con tres xornadas por diante para alcanzar o obxectivo da permanencia. Frenazo ao Coristanco na súa loita por escapar da queima. Os pupilos de Alberto Pensado viron como un Malpica que practicamente se aseguraba a permanencia na categoría un ano máis, vencíalle con dous tantos de Dani Casal, ambos tralo descanso, e deixa aos coristanqueses inmersos en eludir o posto de arrastre a Terceira Autonómica, aínda que as derrotas de Camariñas e Outes lles manteña catro e cinco puntos por encima do descenso directo. Partido moi intenso en Louro, co miniderbi entre o once de Oscar Leis e o Lira carnotán, finalizando a contenda cun empate a tres goles, onde a emoción presidiu a contenda, e foi fundamental a lesión sufrida polo dianteiro local Raúl, que foi operado de fractura de tibia e recupérase dela, e ao que desexamos unha pronta recuperación. Foi un típico derbi costero, con goles, emoción, penaltis e expulsións, saldado con ese reparto de puntos que asegura o seu permanencia aos de Louro e deixa a catro puntos da zona de arrastre ao Lira. Retomou a senda do triunfo o Muxía, logo dalgunhas xornadas con resultados adversos, pese a xogar ben, e ante o Buño non deu opción aos pupilos de Dani Calvete, que ven reducida a tres puntos a súa vantaxe con respecto á zona de arrastre, mantendo os seis sobre o descenso directo. Os locais chegaron ao descanso con mínima vantaxe, pero na segunda metade foron aumentando a mesma ata chegar a un 4-0 recortado no último minuto co gol de Jorge Calvete. Restan tres xornadas, e isto é o que lles queda aos equipos na loita polo título e promoción e por eludir o descenso: TÍTULO DE LIGA E ASCENSO:
  • ESTEIRANA (56 puntos): Coristanco ©, Muxía (f) e Monte Louro ©
  • MAZARICOS (52 puntos) : Camariñas (f), Ponteceso (f) e Coristanco ©
  • CORME (50 puntos) : Sp. Zas (f), Baiñas © e Lira (f)
  • BAIÑAS (48 puntos) : Cee ©, Corme (f) e Outes ©
DESCENSO:
  • LIRA (33 puntos) : Cerqueda ©, Cee (f) e Corme ©
  • BUÑO (32 puntos) : Monte Louro ©, Cerqueda (f) e Cee ©
  • CORISTANCO (30 puntos) : Esteirana (f), Camariñas © e Mazaricos (f)
  • CEE (29 puntos) : Baiñas (f), Lira © e Buño (f)
  • CAMARIÑAS (26 puntos) : Mazaricos ©, Coristanco (f) e Muxía ©
  • OUTES CF (25 puntos) : Ponteceso (f), Sp. Zas © e Baiñas (f)

Promoción de Ascenso á 2ª

Os encontros de ida da promoción de ascenso a 2ª Autonómica, en semifinais, arroxaron senllos empates, o que demostra a gran igualdade nos dous choques e deixan abertas as eliminatorias para os encontros de volta. https://www.facebook.com/FutboldaCosta/videos/1606269199491731/?t=0 En Camelle, os locais adiantáronse no marcador ao comezo da segunda metade, con tanto de Oca, pero moi pronto empatarían os pupilos de Manolín, con gol de Mario. A loita foi pechada de principio a fin, cun terreo de xogo que foi a peor segundo avanzaban os minutos de xogo. Os dous equipos malgastaron pelexa e entrega, e deixan aberta a confrontación para o encontro de volta deste fin de semana en Cee, aínda que a expulsión no último minuto de Barreiro poida ser crucial para as aspiracións do Camelle de sorprender ao Ameixenda. Na Ponte do Porto, o resultado final de empate a dous goles foi un premio ao traballo e malgaste de dous equipos que brindaron unha tarde de gran emoción, con catro goles na segunda metade e un Porteño que viu como o Cabana adiantábase por dúas veces no marcador con 0-1 e 1-2, pero un gran gol de Rachón, cando o choque agonizaba, no último minuto, colocaba o 2-2 que deixa a eliminatoria aberta de face á volta nas Redondas o próximo fin de semana.

1ª  Galicia

En 1ª, importante paso o dado polo Baio nesa loita por eludir o descenso e os posibles arrastres de Preferente. O tanto do seu goleador, MC, significou tres puntos fundamentais nesa loita para os pupilos de Diego Díaz, que controlaron perfectamente as accións do Cordeiro e fixéronse acreedores a ese triunfo que lles mantén con catro puntos de vantaxe sobre o Tordoia e aumenta a oito a distancia co descenso directo con respecto ao Riveira. Frenazo ao Fisterra en Tordoia, nun choque onde os verdes viron como o once local, con dez homes desde o minuto 40 e nove nos dez últimos minutos, lograban darlle a volta ao marcador cun tanto no último minuto, logo de chegarse ao descanso con 1-1 e haberse adiantado os pupilos de Noé no marcador. Con 1-1, os fisterráns gozaron de numerosas ocasións para decantar o resultado ao seu favor, pero sería o Tordoia o que alcanzaría, de xeito aboslutamente inesperada, os tres puntos en xogo. Tiña un complicado desprazamento o San Lorenzo a Padrón, ante un Flavia que busca coarse na promoción de ascenso, e os pupilos de Pablo Mallón viron como os locais, con gran traballo, gañaban por 2-1 e deixan aos de Verdillo a cinco puntos da permanencia cando restan seis xornadas para a conclusión do campionato de Liga. Triunfo incuestionable do Soneira en Bertamiráns, onde os de Vimianzo chegaron a ter un claro 0-3 no marcador, resultado co que se chegaba ao descanso, tras un primeiro tempo majestuoso dos pupilos de Pedro Gómez, moi superiores ao seu rival. Pero nos últimos quince minutos, a base de fútbol directo, os locais recortaron distancias no marcador e puxeron o 2-3 final, aínda que non ameazaron o triunfo xusto do Soneira. Na próxima xornada, o San Lorenzo recibirá nas Pedreiras ao Bertamiráns, onde a vitoria se antolla imprescindible para os vermellos. Derbi en Ara Solís, onde o Fisterra medirase ao Baio, separados por un punto, e o que gañe dará un paso case definitivo para a permanencia. O Soneira, en Vimianzo, pode facer un favor importante a Baio, Fisterra e San Lorenzo si logra os tres puntos en xogo ante o Tordoia, que marca o posto de arrastre de descenso.

Preferente

Importante vitoria do Dumbría nesa loita por saír do descenso en Preferente, ante un rival directo como o é o Betanzos. Os pupilos de Nacho Barreiro adiantáronse no marcador na primeira metade, con tanto de Cespón, pero viron como o Betanzos, no ecuador da segunda, lograba empatar a contenda. Pero un tanto de Makaay, ao transformar un máximo castigo, levaba a vitoria para o lado local e fai que se manteñan vivas as esperanzas de salvar o descenso. Pola súa banda, o Sofán, nun gran partido, lograba unha importante vitoria sobre o Dubra, ao que supera na táboa, e virtualmente os pupilos de Iván Cancela asegúranse o seu permanencia na Preferente Norte, con 46 puntos, deixando os posibles arrastres a doce puntos de distancia cando restan sete xornadas para a conclusión do campionato liguero. Desde o principio os rojillos souberon sentirse dominadores e, pese a que o Dubra recortaría o 2-0 local, un tanto o último minuto pecharía o triunfo local. En Santa Comba, o Xallas e o Estudiantil repartíronse os puntos nun choque moi disputado na segunda metade, tras un primeiro tempo bastante soso e sen ocasións de gol. Na segunda metade, melloraron os dous equipos, sobre todo o Xallas, que gozou de dúas boas oportunidades para facerse cos tres puntos en xogo, pero ao final asinou as táboas ante o conxunto de Gelucho. Na próxima xornada, o Xallas rende visita ao líder da clasificación, Polvorín Lugo B, en terreo lucense, mentres que o Dumbría visitará ao segundo clasificado, Paiosaco. O Sofán, pola súa banda, viaxa a Betanzos, onde lle espera un conxunto que se atopa catro puntos por encima dos postos de descenso directo ou arrastres.
  • Manuel Corredoira, Entrenador UEFA PRO, Nacional Nivel 3 de Fútbol e Director Deportivo pola RFEF, formador da Escola Galega de Adestradores, actual coordinador das Escolas de Fútbol Base de Zas e Delegado da Federación Galega de Fútbol para a Costa.
A pipa de Corredoira

Novas relacionadas

A Pipa 17/18

Fonte

Comentarios