A Pipa: Facendo números para evitar os arrastres na recta final

A Pipa: Facendo números para evitar os arrastres na recta final

14:20 18/04/17

Porteño e Buño están inmersos na loita por evitar o descenso-Foto-CF Porteño Cando imos chegando preto do final das competicións nacionais e autonómicas, comezan as cábalas e os números en todos os clubs. Uns, de cara a alcanzar o ansiado título ou o ascenso de categoría. Outros, os máis sufridos, para soñar con conseguir unha permanencia que, este ano, estase poñendo moi cara polo que se albisca desde Segunda División B, que é a competición que comeza a marcar os descensos por arrastres. Nesta categoría, co Somozas xa descendido a Terceira División, está sufrindo moito o Boiro para conseguir a permanencia, e tralo empate da última xornada no seu terreo de Barraña, ante o Palencia, catro puntos sepáranlle dos postos de permanencia, que ocupan Multivera, Burgos e Caudal Deportivo, todos eles con 39 puntos, a falta de catro xornadas para a conclusión do campionato. Si se produce o descenso do conxunto do Barbanza, serían dous os arrastres en Terceira División, que en principio non afectarían ao grupo norte de Preferente, pois os equipos que ocupan esas prazas de arrastre a Preferente situaríanse no grupo Sur, pero os catro descensos automáticos si corresponden todos eles ao Norte (C.D. Castro, As Pontes, Dubra SD e Ordenes). Os tres últimos xa están matemáticamente descendidos, mentres que os lucenses atópanse a cinco puntos do primeiro arrastre e seis da permanencia absoluta sen depender de ascensos de categoría, polo que os descensos en Preferente Norte serían 7, os tres oficiais e os catro arrastres. Ao Gr.2 da 1ª Autonómica de caerían Bertamiráns, que conta con 32 puntos, e Soneira, que ten 34, e atópanse da posición de permanencia, que na actualidade ocupa o Betanzos, con 40 puntos, a 8 e 6 puntos de distancia, respectivamente, cando restan seis xornadas de competición, polo que manteñen vivas as súas esperanzas de permanencia nestes instantes. Evidentemente, hai que esperar ás promociones de ascenso, pero para que fornezan efecto as mesmas, deben de ascender de Terceira División a Segunda División B os catro participantes no play-off final (nestes momentos xogaríano Deportivo B, Rápido de Bouzas, Cerceda e Bergantiños), co que se salvarían os dous descendidos por arrastre de Terceira e ascendería o terceiro clasificado do grupo Norte, co que os descensos serían seis, o que faría que o Soneira, nestes momentos, estivese a tres puntos da permanencia hipotética. O descenso de Soneira e Bertamiráns traería consigo 2 arrastres no Gr.2 da 1ª Autonómica, onde nestes instantes o Sporting Zas ocupa posición de descenso directo, con 30 puntos, a tres do Val do Ulla, que sería o primeiro arrastre, co que perde no golaverage xeral, tendo empatado o particular, e catro do Outes, que ocuparía o segundo posto de arrastre. O Outes, pola súa banda, fóra do descenso, ten a permanencia absoluta a dous puntos do Silleda. No entanto, de gañar a promoción de ascenso o Agolada, no dobre partido co segundo do grupo primeiro, actualmente o San Tirso, só habería un arrastre, co que o Outes pode soñar moi de firme cunha permanencia que fai varias xornadas tiña moi complicada. No peor dos casos, cos descensos de Outes e Sporting Zas, en 2ª Autonómica serían cinco os conxuntos que perderían matemáticamente a categoría. A falta de catro xornadas para a conclusión do campionato, ocupan posto de descenso directo o Laxe, xa descendido matemáticamente, o Porteño (26 puntos) e Corcubión (27), mentres que os arrastres prexudicarían a Coristanco (28) e Buño (31), aínda que en tres puntos de distancia moveríanse Castriz (35), Cee (34) e Esteirana (32). No entanto, os arrastres poderían verse reducidos, ou ata eliminados, si o Outes ou Sporting Zas conseguen a permanencia, ou os dous, ou si o segundo clasificado do grupo alcanza o ascenso na promoción cos segundos clasificados nos grupos de Santiago. Os rivais que lles restan aos equipos que poden estar inmersos no descenso directo e por arrastres, serían os seguintes (en maiúsculas os partidos nos seus propios terreos de xogo e en minúsculas onde xogarán como visitantes):

PORTEÑO	CORCUBION	CORISTANCO	BUÑO	CASTRIZ	CEE	ESTEIRANA
MALPICA	BAIO	BUÑO	Coristanco	Montelouro	CAMARIÑAS	Corme
Baio	Esteirana	Castriz	CEE	CORISTANCO	Buño	CORCUBIÓN
ESTEIRANA	CAMARIÑAS	MONTELOURO	Corme	Cee	CASTRIZ	Porteño
Camariñas	Buño	Mazaricos	CORCUBIÓN	CORME	Montelouro	CERQUEDA

Así pois, aínda resta moita tea que cortar e as catro xornadas pola permanencia serán apaixonantes. E por arriba, a mesma historia, con catro equipos buscando título, con clara vantaxe para o CD Baio tralo seu triunfo sobre o Corme, e promoción, onde a pelexa será instensa con tres candidatos separados en tres puntos (Corme, San Lorenzo e Mazaricos). O calendario para estes equipos será o seguinte:

BAIO	CORME	SAN LORENZO	MAZARICOS
Corcubión	ESTEIRANA	Laxe	BAIÑAS
PORTEÑO	Camariñas	BAIÑAS	Montelouro
Cerqueda	BUÑO	MAZARICOS	San Lorenzo
LAXE	Castriz	Ponteceso	CORISTANCO

En Terceira, cun ascenso ao lado do Muxía, que está preparando a súa participación na Copa da Costa ante o Ponteceso, os partidos de ida de semifinais polo segundo ascenso trouxeron senllos triunfos visitantes, do Lira ante o Nantón (1-2) e do Ameixenda en Muros, co Volantes (0-1). A volta, este fin de semana.

Manuel Corredoira, Entrenador UEFA PRO, Nacional Nivel 3 de Fútbol e Director Deportivo pola RFEF, formador da Escola Galega de Adestradores, actual coordinador das Escolas de Fútbol Base de Zas e Delegado da Federación Galega de Fútbol para a Costa.