A Pipa: Traballo feito e deberes por facer

A Pipa: Traballo feito e deberes por facer

22:46 09/05/17

Unha afeccionada do Lira disfrutando do ascenso do seu equipo-Foto-Rafa Quintáns Chégase ao final nas diferentes competicións, con moitos equipos cos deberes finiquitados, e outros que, ata o final, terán que sufrir para conseguir os seus obxectivos. Na última xornada disputada, se clarificaron varios aspectos. En Preferente, a falta de tres xornadas, o Bertamiráns e o Soneira teñen máis que complicada o seu permanencia na categoría, por mor dos 4 descensos de Terceira División, que fan que perdan a súa condición de preferentes sete equipos, os tres de descenso directo e os catro por arrastres. O Soneira, nestes momentos, ocupa posición de descenso directo, con 35 puntos, a nove dos que cortan arrástrelos, mentres que o Bertamiraás está un pouco mellor, con 39 puntos, a cinco dos postos de permanencia na categoría. Na última xornada disputada, Sofán e Xallas, coa permanencia asegurada un ano máis, perderon ante Betanzos e Ribadeo, respectivamente, mentres que o Soneira, nun duelo directo, non pasaba do empate ante o Lemos, o que, evidentemente, complica o seu permanencia na categoría.

Complícanse a vida Fisterra en Primeira

Co descenso xa consumado do Sporting Zas, malia o seu triunfo ante o colista, Villestro, por 5-3, remontando por dúas veces a vantaxe dos visitantes, complícanse a vida de cara á permanencia Fisterra e Outes, pois os verdes, que fai varias xornadas parecían cos deberes finiquitados, os últimos resultados colocounos a dous puntos do segundo posto de arrastres, que ocupa un Tordoia que ha ir de máis a menos, mentres que o Outes, no seu duelo ante un rival directo como o era o Silleda, perdía por 0-2 e queda sen opcións de salvación matemática e a tres puntos da segunda praza de arrastres, pero co golaverage xeral perdido co Tordoia, polo que o descenso parece moi próximo, salvo que o Bertamiráns logre salvarse e o Agolada ascenda a Preferente na promoción. Na última xornada, moito en xogo en Fisterra, onde os pupilos de Nacho Barreiro mediranse a un Cordeiro que non se xoga nada, necesitando polo menos un punto para alcanzar a permanencia un ano máis en Primeira. No resto de encontros, pechar a campaña con triunfo é o que buscarán Dumbría, no seu terreo ante o Flavia de Padrón, celebrando ese ascenso a Preferente; e Outes e Sporting Zas a domicilio, fronte a Villestro e Piloño, respectivamente.

Descensos consumados na Liga da Costa

Consumáronse os descensos de Corcubión e Porteño na Liga da Costa, xuntamente co Laxe, mentres que os postos de arrastre agora mesmo ocúpanos o Coristanco e o Castriz, empatados a puntos, e co Buño a un punto de ambos, non estando libre o Camariñas, ao que lle separan tres puntos dos postos de arrastre, polo que a última xornada terá varios focos de atención para lograr a permanencia. Por arriba, o Corme pinchou en casa ante o Buño, co que a segunda praza cae ao lado dun San Lorenzo que deixa sen opcións a un Mazaricos que, pese á derrota en Verdillo, realizou unha gran campaña. O San Lorenzo, para conseguir finalmente o subcampeonato e estar na promoción de ascenso, necesita, cando menos, arrincar un punto na súa visita a un Ponteceso que xa nada se xoga, ou que o Corme, que disputará un partido vital en Castriz, ante un necesitado conxunto local, non gañe. Pola súa banda, o Camariñas medirase no Hermanas Patiño ao Porteño, necesitando un punto para respirar tranquilo, ante un equipo xa descendido matemáticamente, mentres que o Coristanco, que busca saír de arrástrelos ou cando menos ocupar a posición que, en caso do ascenso do San Lorenzo permítalle manterse na Liga da Costa, renderá visita ao Mazaricos en Piñeiro do Val. O Buño, no seu propio terreo, logrará salvar todo tipo de problemas si vence a un Corcubión xa descendido, co que lograría eludir os postos de arrastres. Xornada, pois, apaixonante, como non podía ser menos, tras un campaña emocionante de principio a fin, coroada co título de campión de Liga por parte do Club Deportivo Baio, que retorna á Primeira Autonómica un ano logo de perder a categoría.

O Lira, na Liga de Acosta

O partido de volta da final de ascenso trouxo consigo o salto do Lira á Liga da Costa tras sacar renda aos dous goles alcanzados no partido de ida,fronte a un Ameixenda que nunca se rendeu e buscou afanosamente sorprender a un equipo que fixo valer o resultado da ida. Gran campaña a realizada por ambos equipos, aínda que ao final o premio o alcanzase únicamente o Lira, xunto co Muxía, pero é certo que o Ameixenda realizou un magnífico campionato, ocupando a segunda praza da Liga Regular, e quedando ás portas do asenso á Liga da Costa. Felicidades ao Lira por ese regreso á competición costera por excelencia, e a partir da semana próxima a pensar no torneo de Copa cos partidos de ida dos oitavos de final. Pero antes, o desenlace liguero, coas promociones e descensos en xogo.

Manuel Corredoira, Entrenador UEFA PRO, Nacional Nivel 3 de Fútbol e Director Deportivo pola RFEF, formador da Escola Galega de Adestradores, actual coordinador das Escolas de Fútbol Base de Zas e Delegado da Federación Galega de Fútbol para a Costa.