A Pipa: Xa non quedan invictos

A Pipa: Xa non quedan invictos

15:02 21/03/17

O San Lorenzo venceu en Corme-Foto-Fin Lema 27 encontros tiveron que pasar para que o Corme perdese o primeiro partido. Vinte e sete xornadas para que un equipo fose capaz de derrotar ao once azul e, ademais, facerlle perder o liderato do grupo. Esa honra recaeu nun San Lorenzo que pon patas para arriba a competición e, xunto con Baio, Corme e Mazaricos, entra nas últimas sete xornadas buscando o ascenso ou a promoción. Por certo, a Liga da Costa xa ten un novo inquilino para a próxima campaña tras dez anos de ausencia na mesma, por canto o Muxía, dúas xornadas antes do final, selou o seu ascenso á mesma tras superar con claridade á súa máis inmediato perseguidor, o Ameixenda. A xornada foi extraordinaria, pois á derrota do Corme, únese o adeus do Ponteceso á loita polos postos de cabeza; o gol 1.500 do novo líder, Baio, na historia da competición da Costa; loita pechada por eludir o descenso, onde o Laxe parece telo moi complicado para conseguir a permanencia; en definitiva, unha gran xornada para unha gran competición. O duelo entre Corme e San Lorenzo era, quizais, o máis interesante da xornada, polo moito que se xogaban ambos equipos, e os de Verdillo souberon sacar adiante un compromiso moi complicado ante un líder que desde o minuto 62 xogou con superioridade numérica, pero non foi capaz de superar a orde e o traballo visitante, tendo a oportunidade de empatar nun penalti que detivo o meta rojillo.

Montelouro e Baio saltando a Agra da Filgueira co colexiado David Castreje-Foto-Santi SDoneira

Montelouro e Baio saltando a Agra da Filgueira co colexiado David Castreje-Foto-Santi Soneira Non desaproveitou a súa oportunidade de subirse ao liderato o Baio, que nun gran encontro mostrou a súa superioridade ante un Montelouro que parece levantar o pìe do acelerador, ao verse co obxectivo case cumprido. Os blanquiazules, que ao descanso gañaban por 0-1, na segunda metade alcanzaron a clara vitoria, co gol 1.500 na Liga da Costa materializado por Louro. Sufriu moito o Mazaricos para derrotar a un gran Cerqueda en Piñeiro do Val, e só na segunda metade foron capaces os pupilos de Néstor Romeu de levarse un triunfo moi traballado e con protestas dos visitantes. O éxito coloca aos mazaricanes a catro puntos do Corme e seis do Baio, con sete xornadas por diante. Quen prácticamente dixo adeus ás súas posibilidades de loitar polo ascenso ou promoción foi o Ponteceso, que se viu superado nun partido moi disputado, por un Cee que paso a paso segue subindo na clasificación. Os pupilos de Barca adiantáronse aos 65 minutos, pero o conxunto local soubo sacar forzas e darlle a volta ao marcador. Por abaixo, todo está ao vermello vivo, cun Laxe, que era claramente derrotado en Ponte do Porto polo Porteño, que sae do descenso, case cos dous pés en Terceira Autonómica. A loita pola permanencia será pechada, pois do penúltimo, nestes momentos o Buño, ao decimosegundo, posición que ocupa o Baiñas, hai catro puntos de distancia. Na Ponte do Porto, o once local deu un importante paso para seguir pugnando por eludir o descenso ao superar con claridade a un Laxe que parece sentenciado. O 4-1 final non deu opción a un Laxe que se queda a nove puntos do Porteño e a dez dos posibles descensos por arrastre. Gran partido en Corcubión, entre un once local e o Baiñas, ambos co mesmo obxectivo, a permanencia, e separados por catro puntos. E ao final, a desvantaxe mantívose, pois o choque finalizou con empate a dous goles, co tanto da igualada no minuto 90 para os de Vimianzo, que ademais trouxo, para os locais, tres expulsións á conclusión do encontro, que desde logo en nada favorecen aos pupilos de Emilio Corzón para vindeiros encontros. Zarpazo da Esteirana en Castriz, superando con contundencia a un conxunto rossoneri que non estivo á altura, destacando o visitante Josiño, autor de tres dos catro goles dos vencedores. Os visitantes, con novo adestrador, saen do descenso directo, aínda que ocupan praza de arrastres, situándose a un punto do Coristanco. Os coristanqueses, que a pasada xornada daban a de cal en Ponteceso, goleando aos locais, nesta xornada víanse claramente superados no complicado campo da Rocheira por un Malpica que cotiza ao alza e que lle endosou un 2-6 inesperado tras chegarse ao descanso con 2-2 no marcador. Pero é que os malpicáns, trala chegada de Repi, seguen en ascenso e manteñen a sexta praza. O Coristanco segue sen poder respirar tranquilo, estando un punto por encima de arrástrelos e a un do Baiñas. O Buño cae á zona de descenso tras verse superado no seu propio terreo de xogo polo Camariñas, que parece renacer trala serie de derrotas nos últimos compromisos, e que deixa a zona de arrastres a sete puntos de distancia. O partido se decantó na segunda metade, tras finalizar os primeiros corenta e cinco minutos con 0-0, e cun Buño que finalizou en inferioridad numérica tras sufrir dúas expulsións con 1-2 no marcador. Na próxima xornada, grandes duelos por arriba e por abaixo. Chama a atención o derbi entre Ponteceso e Corme, onde os dous queren gañar como ocorre neste tipo de encontros. O líder, Baio, recibe a un necesitado Coristanco, capaz do mellor e o peor. Os perseguidores, Mazaricos e San Lorenzo, terán duelos ante rivais que se están xogando a permanencia e que ocupan praza de descenso, en Buño os home de Nestor e en Verdillo, co Corcubión, os pupilos de Óscar Suárez. Partido clave en Vimianzo, onde o Baiñas mídese a un Porteño do que lle separan dous puntos na táboa, mentres que a Esteirana terá o derbi muradán ante o Montelouro no seu terreo, necesitando os tres puntos como auga de maio para escapar da zona de perigo. En Malpica, dous equipos que cotizan ao alza : Malpica e Cee. O Cerqueda parte como favorito no seu duelo ante o Laxe, mentres que en Camariñas os locais reciben a un Castriz que ten dous puntos de vantaxe sobre os da Vila dos Encaixes.

Paso adiante do Dumbría e retrocesos de Zas e Outes en Primeira

Gran partido en Agolada entre o líder, Dumbría, e o segundo, os locais, saldado cun reparto de puntos que deixa a táboa como estaba e con dous puntos de vantaxe para os pupilos de Julián Ferreiro. Dous goles nun minuto significaron ese reparto de puntos, tras adiantarse o Dumbría e empatar pouco despois o Agolada. Traspés do resto de equipos costeros nesta xornada. A tripla derrota de Fisterra, Sporting Zas e Outes deixa aos dous últimos en zona de arrastres e a catro puntos do seu máis inmediato antecesor, Unión. O Fisterra viuse claramente superado no seu terreo polo terceiro clasificado, Sigüeiro, aínda que, tralo 1-3 ao descanso, os homes de Nacho Barreiro recortaron distancias poñendo o 2-3 no marcador e tendo oportunidades para sacar un mellor resultado, pero unha acción de contra visitante terminou por sentenciar o choque pouco antes do final do mesmo. Mal encontro do Sporting Zas en Tordoia, encaixando un claro 3-0 final, pero é que os pupilos de Pablo Mallón atopáronse cun gol ao final da primeira metade e outro no inicio da segunda, que lles deixaron si opcións, ademais das moitas baixas coas que contaban os zasences, con homes moi importantes entre elas. Tampouco estivo acertado o Outes en Lalín, onde o 2-0 para os locais foi unha losa insalvable para os home de Cambeiro, que ven freada a súa ascensión na táboa, aínda que de gañar o encontro que teñen pendente, ante o Poboa en Semana Santa, poderían afastarse en tres puntos do descenso automático. Na próxima xornada poderían recortarse distancias, pois o Outes e o Zas, nos seus terreos de xogo, reciben as visitas de Tordoia e Riveira, respectivamente, coa necesidade de sumar os tres puntos en xogo, ante rivais que están nesa zona de perigo inminente. En Dumbría, derbi co Fisterra, onde os locais necesitan o triunfo para manter o seu liderato, mentres que os fisterranes buscan asinar o seu permanencia na categoría.

Xornada boa para Soneira en Preferente

Sae do descenso automático o Soneira en Preferente co seu triunfo, sufrido e traballado, ante o Chantada, ao que cede a antepenúltima praza, e colócase a un punto do Bertamiráns e a tres do Lemos. Pero é que os arrastres de Terceira División, nestes momentos 4, fan que a permanencia siga estando moi lonxe dos vimianceses, a 8 puntos do Arteixo, que é o que marca a mesma, xunto co Betanzos. Frenazo ás aspiracións do Xallas de chegar á promoción co segundo empate sen goles consecutivo, nesta oportunidade ante un Betanzos inmerso na loita por eludir o descenso por arrastres, que deixa aos verdes na sexta praza, a seis puntos do Paiosaco, quinto, e sete do Laracha e Polvorín, que son os que ocupan a zona de promoción. Non pode descoidarse o Sofán, que pese a ocupar a undécima posición, con 40 puntos, ten a zona de arrastres a catro puntos de distancia, tras ser superado con claridade polo Viveiro, encaixando un inesperado 4-0 nun encontro moi flojo dos vermellos. Na próxima xornada, o Sofán recibirá no Carral a un Arzúa moi mellorado e que se atopa a tres puntos dos pupilos de Josito Fontes na táboa. O Xallas renderá visita a un Arteixo que necesita imperiosamente os tres puntos en xogo para escapar da queima, mentres que o Soneira renderá visita a un Ribadeo que quere selar o seu permanencia canto antes en Preferente.

Muxía, campión de Terceira e novo Segunda

O foco principal da xornada en Terceira tiña dúas frontes. Por unha banda, os minutos que restaban no Cabana-Ameixenda, onde os locais viron como o Ameixenda levábase o triunfo tras marcar un tanto cada equipo, o que facía que o ascenso se xogase en Arliña un día máis tarde. E aí non fallou o Muxía, que superou por 3-0 aos ceenses, nun choque máis disputado do que o 3-0 final poida indicar, pois ata ben entrada a segunda metade os pupilos de Ordoñez non lograron os dous tanto que fixeron estalar a festa na vila mariñeira e deron un ascenso histórico a un Muxía, 12 anos logo de perder a súa praza na Liga da Costa. Felicidades aos vermellos e a toda a súa afección e bienvenidos nuevamente á Segunda Autonómica. Nas xornada que restan únicamente está en xogo a última praza para o play-off final, que pugnan o Volantes e o Cabana, con vantaxe para os muradáns, con catro puntos por encima dos blanquiazules, pois os outros postos son para Ameixenda, Lira e Nantón. Na próxima xornada, o Ameixenda recibirá en Cee ao Volantes, que necesita puntuar para non dar oportunidade ao Cabana, mentres que estes recibirán no seu terreo ao Seaia, que case se asegurou a oitava praza da táboa. Son os dous encontros importantes da xornada, na que o Muxía celebrará xa o ascenso visitando a un Castrelo que perdeu todas as opcións de promoción na pasada xornada.

Os temidos arrastres

Estamos chegando ao final das competicións, e os temidos arrastres seguen sendo o que queren eludir todos os equipos. O descenso do Somozas, en Segunda B, fai que de Terceira División, a día de hoxe, sexan 5 os equipos que perdan a categoría, e deles 4 recaerían no grupo Norte. Así, da Preferente, dous equipos, Bertamiráns e Soneira, chegarían a 1ª, conducindo ao descenso a Sporting Zas e Outes á Liga da Costa, onde perderían a súa condición de 2ª Autonómica, ademais dos 3 que ocupan praza de descenso automático, Esteirana e Porteño. Pese a todo, de aquí ao final, aínda a competición ten moito por disputar, pero todos teñen que apertarse o cinto e traballar duro para escapar de quéimaa.

Manuel Corredoira, Entrenador UEFA PRO, Nacional Nivel 3 de Fútbol e Director Deportivo pola RFEF, formador da Escola Galega de Adestradores, actual coordinador das Escolas de Fútbol Base de Zas e Delegado da Federación Galega de Fútbol para a Costa.