Chega a ponte de decembro, e con ela varias novidades nos horarios, pois moitos partidos se adiantan ao sábado para aproveitar un luns festivo. Así e todo non paran as Ligas, así que repasamos os 80 partidos en liza. E ollo, que o luns, xa temos Copa da Costa.
E comezamos a Previa pola Preferente - Senra Sport, con dous partidos importantes para os nosos. O XSC quere manter as sensacións trala vitoria da semana pasada no Conco, pero terá que superar a todo un Chantada, 4º na táboa. Pola súa parte, o Dumbría non pode fallar na súa viista ao penúltimo, O Val. Os dous partidos, en xornada sabatina.
O partido da semana será na 1ª Autonómica - Clínica Vértebra, ademais con dous equipos necesitados que veñen de enderezar o rumbo tras moitas xornadas no dique seco. Corme e Esteirana necesitan seguir puntuando para escapar da zona baixa. Mentres, por arriba, o líder, o Sofán, líder tras 7 vitorias consecutivas, terá unha boa pedra de toque, un Villestro que recibe aos carballeses na 4ª praza a só 9 puntos. Por detrás o Baio estará atento a ese partido pero tamén terá un complicado choque, o sábado en casa, ante o Cordeiro, 5º. O Soneira tamén necesita puntuar, pois está ao fío do descenso, e o Flavia pode ser presa, malia que o campo de Padrón sempre é complicado. Finalmente, o Malpica quere seguir a súa escalada ante o Lesende, e facerlle un favor, de paso, aos veciños da zona baixa.
Hai cambios también na 2ª Autonómica - ES Bazarra, cun partido mesmo na noite do venres, que ademais cambia a orde. O Camelle-Buño xógase en Xaviña, ante o estado do Rodeiro. Polo demais, o líder recibe ao Porteño, mentres o Zas protagonizará o partido da xornada ante todo un Outes, que chega só 5 puntos por debaixo. Ademais, a atención estará tamén no derbi da montaña entre Mazaricos e Castriz.
A xornada 14ª da 3ª Autonómica - Clínica Xunqueira chega con varios choques directos, aínda que a estas alturas todos contan. O líder, Ameixenda, recibe a un Laxe que vén de sumar a súa primeira vitoria. Cerqueda-Corcubión e Lira-Coristanco serán choque fraticidas, mentres o Muxía quere meterse definitivamente na pelexa polas 6 primeiras prazas, e o fará se vence ao Nantón.
E o luns teremos as tres primeiras citas da Copa da Costa 2015. 5 equipos da 3ª enfrontaranse nesta eliminatoria Previa, a un só partido.
Moito futbol base
Xa en clave de base, a Liga Xuvenil Sur, Gr.2 - MáisDeporte mira a Muros, onde haberá un derbi clave. Esteirana e Os Miúdos xóganse unha das 3 prazas de arriba no que será un auténtico partidazo. Mentres, polo Norte, haberá un enforntamento entre dous dos de arriba. O líder Cabana recibe ao Porteño, 3º a só 4 puntos. Atentos estarán Coristanco e Zas, que se enfrontarán buscando sumar 3 puntos que lles permitan recurtar cos de arriba.
Nas Ligas Locais, doble choque no máis alto na 1ª Cadete. O líder, Cabana, recibe ao 3º, a Esteirana, con só 2 puntos de diferencia entre ambos. Ademais, o 2º, o Corme, recibe ao 4º, o Fisterra.
Mentres seguen as Ligas dos máis peques e dos Veteranos, onde varios choques foron aprazados ás fins de semana do Nadal.
