Arroupadísimo sentiuse o Calvo Xiria gracias a campaña “Calvo Xiria DHP”. O Vila de Noia rexitrou unha das mellores entradas da tempada para recibir a outros dos candidatos ao ascenso á División de Honra Prata do balonmán nacional. Foi un choque de infarto, que rematou cun tiro sobre a bocina que tería suposto un empate que mantería ao Calvo só no liderado. Non o deron os colexiados e o equipo conserveiro queda empatado no máis alto co Chapela.

Pola súa banda, o Bm. Camarilas conseguían unha nova vitoria na pista do Pontedeume e se manteñen a 3 puntos do liderado pero cun partido menos. As opcións están intactas, pero a vindeira ten un choque clave.

1ª Estatal, xornada 18

• Resultado; Calvo Xiria - Embutidos Lalinense Bm. Lalín (23-24).
• Calvo Xiria: Iago; Brais (4), Carlos Vilanova (2), Martín (7), Manu, Gonzalo (7, 4p), Ramón (2) -inicial- Uxío, Sergio (1) e Jorge.

Partido de infarto no ateigado Vila de Noia, no que o o equipo carballés sufría a súa segunda derrota da tempada. O Lalín foi sempre por diante pero o cadro local nunca se deixaba ir, e estivo metido ata ultimo suspiro. Foi aí cando s decidiu. Marcou o 23-24 o Lalín a falta de 8 segundos. Aínda tivo Manu un tiro que acabaría en gol pero fóra de tempo segundo os colexiados impedindo o alegrón das bancadas.

1ª Autonómica, xornada 13

• Resultado: Bm. Pontedeume - Bm. Camariñas (28-32)
• Balonmán Camarilas: Bruno ℗, Víctor ℗, Alan (1), Fary (3), Eusebio (7), Checho, Damián (5), Fabio, Catalán (10), Xosé, Héctor, Fran (1), Antelo (5) e Moncho.

Partido, a priori complicado, pois os partidos de rivalidade, sempre o son, e na Casqueira, a presión da aficción sempre pesa moito. O partido, sempre foi nivelado no marcador e na cancha, de feito o primeiro tempo finalizou cun axustado 14-15, demasiados goles para un Camariñas centra o seu xogo nunha consistente defensa.
Xa no segundo tempo que foi un calco do anterior, os visitantes sacaron todo o seu poder ofensivo para poder sumar dous puntos máis que mantéñenos nos postos de cabeza.

O próximo fin de semana, o Camariñas visita ao Ribeiro Viña Costeira, partido dificil en Ribadavia, e será o que dea a medida das posibilidades do Camariñas de face ás súas aspiracións. Unha vitoria supoñería deixar claras as aspiracións de face ao título, unha derrota, recortaría moito esas aspiracións.

Máis información

• Resultados e Clasificación 1ª Autonómica Masculina.
• Resultados e Clasificación 1ª Autonómica Feminina.

Novas relacionadas

• O Calvo Xiria mantense implacable.
• Balonmán: A primeira volta remata con podios.
• Balonmán: Xiria e Camariñas rematan o ano moi, moi arriba.
• Pleno de vitorias para o balonmán costeiro.
• Balonmán: 8 de 8 e unha polo cerco.
• Balonmán: O Calvo Xiria segue invicto.
• Líderes.
• Balonmán: Camariñas e Xiria seguen sumando vitorias.
• O Balonmán arrinca con vitorias en Camariñas e Carballo.
• Camariñas queda sen equipo feminino de balonmán esta tempada.
• O Bm. Camariñas renuncia ao ascenso para centrarse na base.

Fonte

• Bm. Camariñas e Calvo Xiria.